كونستيتۋسياعا ەنگىزىلەتىن وزگەرتۋلەر مەن تولىقتىرۋلار حالىقتىڭ شەشىمىمەن تىكەلەي بايلانىستى.
ورتالىق كوممۋنيكاسيالار قىزمەتىندە ادىلەت ۆيسە-مينيسترى الما مۇقانوۆا 5 ماۋسىمدا وتەتىن رەفەرەندۋم جايىندا جان جاقتى ءتۇسىندىردى، دەپ حابارلايدى Almaty-akshamy.kz Qazaqtv.com-عا سىلتەمە جاساپ.
ونىڭ ايتۋىنشا ورتالىق سايلاۋ كوميسسياسى سايلاۋعا قاتىسۋى مۇمكىن ادامداردىڭ ءتىزىمىن جاساۋدا. كونستيتۋسياعا 56 وزگەرتۋ مەن تولىقتىرۋ ەنگىزۋ كوزدەلگەنىمەن بيۋللەتەندە تەك ءبىر عانا سۇراق بولادى. ياعني تۇرعىندار اتا زاڭعا وزگەرتۋ كەرەك پە، الدە جوق پا؟- دەگەن ساۋالعا داۋىس بەرەدى. مينيسترلىك وكىلىنىڭ پايىمىنشا حالىقتىڭ باسىم بولىگى «ءيا» دەپ داۋىس بەرگەن جاعدايدا عانا رەفورما جۇزەگە اسادى.
"نەلىكتەن مەن 11 وبلىس تۋرالى ايتىپ وتىرمىن؟ «رەسپۋبليكالىق رەفەرەندۋم تۋرالى» كونستيتۋسيالىق زاڭ بويىنشا رەفەرەندۋمعا شىعارىلاتىن ماسەلە، ەگەر ول ءۇشىن وڭىرلەردىڭ كەمىندە ۇشتەن ەكىسىندە داۋىس بەرۋگە قاتىسقان ازاماتتاردىڭ جارتىسىنان استامى جاقتاپ داۋىس بەرسە، قابىلداندى دەپ ەسەپتەلەدى. ايتا كەتەيىن، ءقازىر قازاقستاندا 17 ءوڭىر بار. جاڭا 3 وبلىستى قۇرۋ تۋرالى جارلىعى – وسى جىلدىڭ 8 ماۋسىمىنان باستاپ قولدانىسقا ەنگىزىلەدى. سوندىقتان 5 ماۋسىم وتكىزىلەتىن رەفەرەندۋمعا 17 ءوڭىر قاتىساتىن بولادى"، - دەدى ق ر ادىلەت ۆيسە-مينيسترى الما مۇكانوۆا.
ەسكە سالا كەتەيىك، قازاقستانداعى رەفەرەندۋمدى وتكىزۋگە قازىنادان 16 ملرد 460 ملن تەڭگە قارجى ءبولىندى. بۇل ەسەپتى ورتالىق سايلاۋ كوميسسياسى جاريالادى. ال ۇكىمەت قاۋلىسى بۇگىن قابىلداندى.