قارا التىن باعاسى وسكەنىنە قاراماستان، تەڭگە قۇنسىزدانا باستادى

ءبىر دوللار 438،5 تەڭگە بولدى.

KASE-دەگى ساۋدا-ساتتىق اشىلعاننان بەرى تەڭگە باعامى ءتۇسىپ، 438،5-كە جەتتى، دەپ حابارلايدى Almaty-akshamy.kz Inbusiness.kz cىلتەمە جاساپ.

ال Brent ماركالى مۇناي باعاسى 0،3-0،4%-عا ءوستى. 

كوپتەگەن قازاقستاندىقتار مۇناي باعاسى ەلدىڭ ماكروەكونوميكالىق كورسەتكىشتەرى ءۇشىن، سونىڭ ىشىندە تەڭگەنىڭ تۇراقتى ۆاليۋتالارعا (اقش دوللارى، ەۋرو جانە ت.ب.) قاتىستى باعامى ءۇشىن نەگىزگى كورسەتكىش بولىپ تابىلاتىنىنا ۇيرەنىپ قالعان. الايدا ۋكرايناداعى جاعداي باستالعاننان بەرى ءبىز مۇناي باعاسى نىعايعان نەمەسە قۇلدىراعان تەڭگەگە تىكەلەي ىقپال ەتپەيتىنىن كورىپ وتىرمىز.  ياعني، مۇناي باعاسى كوتەرىلسە دە، تەڭگە باعامى السىرەۋى مۇمكىن جانە كەرىسىنشە.

«مۇناي باعاسى تەڭگە باعامى ءۇشىن دە، باسقا مۇناي ەكسپورتتاۋشى ەلدەردىڭ باعامى ءۇشىن دە شەشۋشى، ءبىراق جالعىز جانە تۇپكىلىكتى فاكتور ەمەس.  ءبىر جاعىنان، گەوساياسي فاكتور (رەسەي ءرۋبلىنىڭ جاعدايى)، ەكىنشى جاعىنان، اقش دوللارىنىڭ جاھاندىق نىعايۋى (دوللار يندەكسىنىڭ قىمباتتاۋى) اسا ماڭىزدى كورسەتكىشتەرگە اينالعانى ءسوزسىز»، – دەپ ءتۇسىندىردى ەكونوميست عالىمجان ايتقازين.