ق ر ەنەرگەتيكا ءمينيسترى الماسادام ساتقالييەۆ اتوم ەلەكتر ستانساسىن سالۋ ماسەلەسىنە قاتىستى جالپىۇلتتىق رەفەرەندۋمدا ءوز تاڭداۋىن ەلورداداعى Smart بيزنەس-ورتالىعىندا ورنالاسقان №230 ۋچاسكەدە جاسادى.
ءمينيستردىڭ ايتۋىنشا، بۇل رەفەرەندۋم ەلىمىزدىڭ ەنەرگەتيكالىق بولاشاعىن ايقىنداۋدا ماڭىزدى قادام بولىپ تابىلادى. ول ازاماتتاردى ءوز پىكىرلەرىن اشىق بىلدىرۋگە جانە ەلىمىزدىڭ دامۋ جولىندا وڭ شەشىم قابىلداۋعا شاقىردى.
الماسادام ساتقالييەۆ اەس سالۋدىڭ قازاقستاننىڭ ەنەرگەتيكالىق قاۋىپسىزدىگىن نىعايتۋداعى ماڭىزىن اتاپ ءوتىپ، حالىقتىڭ بۇل ماسەلەگە بەلسەندى قاتىسۋى ەلدىڭ بولاشاقتا تۇراقتى جانە ءتيىمدى ەنەرگيامەن قامتاماسىز ەتىلۋىنە اسەر ەتەتىنىن ايتتى.