الماتىدا بارلىق سايلاۋ ۋچاسكەسىندە اەس سالۋ ماسەلەسى جونىندەگى رەسپۋبليكالىق رەفەرەندۋم قازاقستاننىڭ ءانۇرانىن سالتاناتتى ورىنداۋدان باستالدى.
ەرەكشە ءىس-شارا №6 وقۋشىلار ۇيىندەگى سايلاۋ ۋچاسكەسىندە ءوتتى. بۇل جەردە ءانۇران تۇركسىب اۋدانىنىڭ اكىمدىگى مەن «قازاقستان ساڭىراۋلار قوعامى» قوعامدىق بىرلەستىگىنىڭ بىرلەسۋىمەن سۋردواۋدارماشىلاردىڭ كومەگىمەن ىم تىلىنە اۋدارىلدى.
بۇل ءىس-شارا وسى اۋداندا تۇراتىن ەستۋ جانە سويلەۋ قابىلەتى بۇزىلعان ازاماتتارعا ءانۇران ارقىلى پاتريوتتىق سەزىم سىيلادى.
الماتى اكىمدىگى ەرەكشە قاجەتتىلىگى بار تۇرعىندارعا تەڭ مۇمكىندىك بەرۋ ارقىلى ينكليۋزيۆتى باستامالاردى بەلسەندى تۇردە قولداپ كەلەدى.
رەفەرەندۋم وتكىزىلگەن كۇنى سايلاۋ ۋچاسكەلەرىندە جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن ونلاين رەجيمدە 76 سۋردواۋدارماشى جۇمىس ىستەيدى. ولار ەستۋ قابىلەتى ناشار ادامدارعا سايلاۋ ەرەجەسىمەن تانىسىپ، تولىق اقپارات الۋعا كومەكتەستى. ينكليۋزيۆتىلىكتى ارتتىرۋ جانە بارلىق قالا تۇرعىنىنا تەڭ قۇقىقتى قامتاماسىز ەتۋ ماقساتىندا ۇيىمداستىرىلعان بۇل باستاما ەستۋ جانە سويلەۋ قابىلەتى بۇزىلعان ازاماتتاردىڭ سايلاۋعا كەدەرگىسىز قاتىسۋىنا مۇمكىندىك بەردى.