قۇرامىندا 64 پارتيا مۇشەسى بار AMANAT پارتياسىنىڭ الماتى قالالىق شتابى اشىلعان ساتتەن باستاپ الماتى تۇرعىندارىنىڭ ءتۇرلى ساناتتارى ءۇشىن ءاقپاراتتىق-تۇسىندىرۋ سيپاتىنداعى بەس جۇزگە جۋىق ءىس-شارا وتكىزدى. جالپى، 20 000-نان استام ادام قامتىلدى.
مەگاپوليستىڭ ەڭبەك ۇجىمدارىمەن كەزدەسۋ قالا تۇرعىندارى تاراپىنان شىنايى قولداۋ مەن قىزىعۋشىلىق تانىتتى. وسىلايشا، شتاب مۇشەلەرى رەفەرەندۋمعا قاتىستى 1000-عا جۋىق ۇسىنىستار مەن تىلەكتەردى، سونداي-اق الماتىلىقتاردى تولعاندىراتىن باسقا دا وزەكتى ماسەلەلەردى قابىلدادى. ەندىگى كەزەكتە سول تىلەكتەردى جۇزەگە اسىرۋعا كىرىسەمىز.
سونىمەن قاتار، AMANAT پارتياسىنىڭ الماتى قالالىق فيليالى 5 ماۋسىمدا 574 داۋىس بەرۋ ۋچاسكەسىندە باقىلاۋشى بولعان پارتيا مۇشەلەرىنىڭ ءتىزىمىن جاساقتادى. ولاردىڭ ءارقايسىسى دايىندىقتان ءوتتى. داۋىس بەرۋ ۋچاسكەلەرىندە جەدەل ارەكەت ەتۋ ماقساتىندا ءبىز پارتيانىڭ قالالىق فيليالى قىزمەتكەرلەرىنەن تۇراتىن توپتاردىڭ جاۋاپتى ۇيلەستىرۋشىلەرىن بەكىتتىك. ءبىزدىڭ وكىلدەر بارلىق اشىق 507 ۋچاسكەدە داۋىس بەرۋ بارىسىن قاتاڭ قاداعالادى. ولار داۋىستاردىڭ سانالۋىن جانە سايلاۋ ۋچاسكەسى جۇمىسىنىڭ اياقتالۋىن باقىلادى.
ورتالىق رەفەرەندۋم كوميسسياسى ۇسىنعان دەرەكتەر جاريالانعان ستاتيستيكا بويىنشا قازاقستان كونستيتۋسياسىنا تۇزەتۋلەردى سايلاۋشىلاردىڭ 77،18%-ى قولداعانىن كورسەتەدى. الماتى تۇرعىندارى مەن پارتيا مۇشەلەرى دە ەرەكشە بەلسەندىلىك تانىتتى. بۇل ءبىزدىڭ جاساعان تۇسىندىرمە جۇمىستارىنىڭ كورسەتكىشى دەپ بىلەمىن. ەڭ باستىسى، رەفەرەندۋم اشىق جانە دەموكراتيالىق تۇردە ءوتتى، ول ءۇشىن الماتىدا بارلىق قاجەتتى جاعدايلار جاسالعان بولاتىن.
ەرەكشە اتاپ وتەتىنىم، "اماناتتىقتار" ۇلكەن-كىشىسىنە قاراماي، وتباسىلارىمەن دە داۋىس بەردى. مىسالى، ۇلى وتان سوعىسىنىڭ ارداگەرى، اۋەزوۆ اۋدانى ارداگەرلەر قوزعالىسىنىڭ بەلسەندىسى ەگور ستەپانوۆيچ دوليدۋدا جاستارعا ۇلگى بولدى. ءوزىنىڭ ۇلعايعان جاسىنا قاراماي، داۋىس بەرۋ ۋچاسكەسىنە اياقتاي كەلىپ، ءوز تاڭداۋىن جاساعانى - ۇلكەن قۇرمەتكە تۇرارلىق ءىس. ءبىزدىڭ تۇرعىندار رەفەرەندۋمعا شەتەلدە جۇرگەنىنە قاراماستان، شەتتە قالماي، ءوز كونستيتۋسيالىق قۇقىعىن پايدالاندى. ولاردىڭ قاتارىندا ىستامبۇلدا جۇرگەن الماتى قالالىق ءماسليحاتىنىڭ AMANAT پارتياسى دەپۋتاتتىق فراكسياسىنىڭ مۇشەسى نۇرىمبەك تاۋ دا بار.
مەن دە ءوزىمنىڭ ازاماتتىق ۇستانىمىمدى كورسەتە وتىرىپ، كونستيتۋسيالىق وزگەرتۋلەردىڭ پايداسىنا ءوز تاڭداۋىمدى العاشقىلاردىڭ ءبىرى بولىپ جاسادىم. 35 جاسىمدا تۇڭعىش رەت رەفەرەندۋمعا قاتىستىم. ءبىر قىزىعى، 1995 جىلى رەفەرەندۋمدا داۋىس بەرگەن 18 جاستاعى داۋىس بەرۋگە قۇقىعى بار ازامات ءقازىر 45 جاستا ەكەن.
رەفەرەندۋم ءاربىر قازاقستاندىقتى ەلدىڭ قوعامدىق-ساياسي جۇيەسىن جاڭارتۋعا ءبىرىڭعاي ۇمتىلىسپەن بىرىكتىردى. مەملەكەت پەن قوعامنىڭ ءوزارا ارەكەتىنىڭ جاڭا مودەلىنە كوشۋ – «جاڭا قازاقستاننىڭ» نەگىزگى باعدارى دەپ سانايمىن.