اتا زاڭعا ەنگىزىلگەن وزگەرىستەردىڭ ماڭىزدىلىعىن حالىققا ءتۇسىندىرىپ، ۇگىت-ناسيحات جۇرگىزۋ ماقساتىندا پارتيا شتابى رەسپۋبليكا بويىنشا 12 مىڭنان استام ءىس-شارا وتكىزگەن. بارلىق كەزدەسۋلەر ەركىن، اشىق فورماتتا جاسالدى.
كەزدەسۋلەر بارىسىندا ازاماتتاردان 20 مىڭنان استام ۇسىنىس جيناقتالعان. ەندى AMANAT پارتياسى وسى ۇسىنىستاردى سارالاپ، ەڭ وزەكتىلەرىن جۇزەگە اسىرۋ جولدارىن قاراستىرادى.
رەفەرەندۋم كۇنى امانات پارتياسىنىڭ 28 مىڭعا جۋىق وكىلى ەلىمىزدىڭ بارلىق سايلاۋ ۋچاسكەلەرىندە داۋىس بەرۋ بارىسى زاڭدىلىعىنىڭ ساقتالۋىن قاداعالادى. تاۋەلسىز قازاقستاننىڭ ەڭ باستى قۇجاتى – كونستيتۋسياسى. ال ونداعى جازىلعان ءاربىر ءسوز ماڭىزدى ءرول اتقاراتىنىن ءتۇسىنۋىمىز كەرەك. قازىردەن باستاپ ەلدەگى ورىن الىپ جاتقان وزگەرىستەردى دۇرىس سارالاپ، وي ءتۇيىپ، نەمقۇرايلىلىق تانىتپاي، ايانباي ەڭبەك ەتۋ قاجەت.
ءوز باسىم AMANAT فراكسياسىنىڭ مۇشەسى جانە ءماسليحات دەپۋتاتى رەتىندە الماتى قالاسىندا كونستيتۋسيالىق رەفورمالاردى جان-جاقتى ءتۇسىندىرۋ جۇمىستارىنا بەلسەندى قاتىسىپ، رەفەرەندۋم كۇنى كەلەر ۇرپاقتىڭ يگىلىگى ءۇشىن داۋىس بەردىم. داۋىس بەرۋدىڭ بارىسى اشىق ءارى ءادىل وتكەنىن تولىق سەنىممەن ايتا الامىن.
جاڭا قازاقستاننىڭ باستامالارى بەرەكەلى بولسىن!