سەناتتىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتى رىسقالي ابدىكەروۆ جەزقازعان قالاسىنىڭ تۇرعىندارىمەن كەزدەستى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ق ر پارلامەنتى سەناتى باسپا ءسوز قىزمەتىنىڭ حابارلاۋىنشا، كەزدەسۋ بارىسىندا سەناتور كونستيتۋسياعا وزگەرىستەر مەن تولىقتىرۋلار ەنگىزۋ جونىندەگى الداعى رەسپۋبليكالىق رەفەرەندۋمدى تالقىلادى.
سەناتور الداعى وقيعانىڭ ماڭىزىنا توقتالا كەلىپ مەملەكەت باسشىسى قاسىم-جومارت توقايەۆتىڭ باستاماسىمەن قولعا الىنعان جاڭا قازاقستاننىڭ قۇرىلىسى ساياسي رەفورماسىز جۇزەگە اسۋى مۇمكىن ەمەستىگىن اتاپ ءوتتى.
«جاڭا ۇلگىدە وسىپ-وركەندەۋ بويىنشا پارلامەنت پەن ءماسليحاتتاردىڭ ءرولى ايتارلىقتاي كۇشەيە تۇسەدى، ازاماتتاردىڭ مەملەكەتتىڭ تىنىس-تىرشىلىگىنە قاتىسۋى ايتارلىقتاي كەڭەيەدى، قۇقىق قورعاۋ سالاسى جۇيەلى تۇردە نىعايا تۇسەدى. رەفەرەندۋمعا قاتىسۋ ءاربىر ازاماتتىڭ كونستيتۋسيالىق قۇقىعىن ىسكە اسىرۋدىڭ كەپىلى بولىپ تابىلادى جانە بۇل ورايدا قوعام قايراتكەرلەرى مەن بەلسەندىلەرگە ماڭىزدى ءرول بەرىلەدى»، - دەپ اتاپ ءوتتى رىسقالي ابدىكەروۆ.
سەناتور سونداي-اق قالا اكىمدىگىندە دە بولدى. اكتيۆ الدىندا ءسوز العان ول كونستيتۋسياعا ەنگىزىلەتىن تۇزەتۋلەر تاۋەلسىز قازاقستان تاريحىندا ءادىل مەملەكەت قۇرۋدىڭ جاڭا كەزەڭىنىڭ باستاۋى بولاتىنىن اتاپ ءوتتى.