الماتىنىڭ باس يمامى ورازانىڭ تالاپتارى تۋرالى ايتتى
رامازان – ۇستامدىلىق ايى. تاماق پەن ىشۋدەن عانا ەمەس، كۇنا مەن زۇلىمدىقتان دا باس تارتۋ ۋاقىتى. بۇل تۋرالى الماتى قالاسىنىڭ باس يمامى تولەبي وسپان بريفينگ بارىسىندا ايتتى، دەپ حابارلايدى almaty-akshamy.kz
ونىڭ ايتۋىنشا، رامازان – مىندەتتى مۇسىلمان ايى. بۇل - يسلامنىڭ بەس تىرەگىنىڭ ءبىرى ءارى قاسيەتتى ءدىننىڭ نەگىزى.
«رامازان – ۇستامدىلىق ايى. بۇل - تاماق پەن ىشۋدەن عانا ەمەس، كۇنا مەن زۇلىمدىقتان دا باس تارتۋ ۋاقىتى. حاديستە بىلاي دەلىنگەن: «جامان ءسوز بەن جامان ىستەردەن تىيىلمايىنشا، ىشىپ-جەۋدەن تىيىلعان ادامعا اللا تاعالا مۇقتاج ەمەس». سوندىقتان اشىعۋ – ورازانىڭ تالاپتارىنىڭ ءبىرى»، – دەپ ءتۇسىندىردى تولەبي وسپان.
ەسكە سالايىق، بيىل قاسيەتتى رامازان ايى 2 ساۋىردە باستالادى. ورازا 30 كۇنگە سوزىلادى. ءپىتىر-ساداقانىڭ مولشەرى - 500 تەڭگە. 27-28 ساۋىرگە قاراعان ءتۇنى قادىر ءتۇنى.