بارلىق انىقتالعان ينفەكسيالاردىڭ 86%-ىن قۇرايدى.
دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) مالىمەتتەرى بويىنشا «ستەلس-وميكرون» نۇسقاسى ءقازىر بارلىق انىقتالعان ينفەكسيالاردىڭ 86%-ىن قۇرايدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنا سىلتەمە جاساپ.
«ءبىز جاڭا شتامم تۋرالى بارلىق بەلگىلى اقپاراتتى جيناقتادىق. «جاسىرىن وميكرون» تۋرالى نە ءبىلۋ قاجەت:
وتە جىلدام جۇعادى
COVID-19 ۆيرۋسىنىڭ ۆا.2 ءتۇرى بۇعان دەيىنگى BA.1 مەن BA.1.1 نۇسقالارىنا قاراعاندا جۇقپالى بولىپ كەلەدى، الايدا قازىرگى كەزدەگى ناتيجەلەر جاڭا نۇسقانىڭ كۇردەلىلىگى «وميكرونمەن» بىردەي ەكەنىن كورسەتتى.
ۆاكسينانىڭ ۇدەتكىش دوزالارى جاڭا شتامنان قورعايدى
«وميكروننىڭ» باسقا نۇسقالارىنا سياقتى ۆاكسينالاردىڭ BA.2-گە قارسى تيىمدىلىگى تومەن. الايدا ۇلىبريتانيانىڭ دەنساۋلىق ساقتاۋ قاۋىپسىزدىگى اگەنتتىگىنىڭ مالىمەتىنشە، اعزانىڭ قورعانىس دەڭگەيى ۇدەتكىش ۆاكسينا ارقىلى قالپىنا كەلەدى. بۇل اسىرەسە اۋرۋحاناعا جاتقىزۋ جانە ءولىم جاعدايلارىنىڭ كورسەتكىشتەرىندە ايقىن بايقالادى. ۆاكسينا العانداردىڭ اراسىندا ءولىم-جىتىم مەن اۋرۋحاناعا جاتقاندار از.
الدىن الۋ شارالارىنىڭ قاجەتتىلىگى
عالىمداردىڭ ايتۋىنشا، جاقىندا BA.2 اۋرۋىنىڭ ءوسۋى ىقتيمال. ويتكەنى اۋرۋدىڭ كۇرت تاراۋى كوپتەگەن ەلدەردىڭ ماسكا رەجيمىن جانە باسقا دا انتيكوۆيدتىك شارالاردى الىپ تاستاۋىمەن قاتار كەلىپ وتىر.
حالىقتىڭ وسال توپتارىن قورعاۋ
BA.2 اۋرۋشاڭدىق كورسەتكىشى ءوسۋىنىڭ سەبەبى قانداي بولسا دا زەرتتەۋشىلەر ۆيرۋستىڭ، اسىرەسە ۆاكسيناسيالانباعان جانە حالىقتىڭ باسقا دا وسال توپتارىنا زيان تيگىزەتىنىنە سەنىمدى. سوندىقتان تيىمدىلىگى دالەلدەنگەن پرەپاراتتارمەن ەكپە الۋ كوروناۆيرۋستىڭ جاڭا تولقىنى قارساڭىندا وتە ماڭىزدى.