نۇر-سۇلتان الماتى جانە شىمكەنت قالالارىندا جۇمىس ىستەپ جۇرگەن جاستارعا ساتىپ الۋ قۇقىعىنسىز باسپانانى جالعا بەرۋ 2025 جىلعا دەيىن ۇزارتىلادى، دەپ حابارلايدى almaty-akshamy.kz
ق ر اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ ءتوراعاسى شاحماردان بايمانوۆتىڭ ايتۋىنشا، جۋىقتا عانا Government for zhastar عىلىمي-زەرتتەۋ ورتالىعىنىڭ جانىنان جاستاردىڭ ماسەلەلەرىمەن اينالىساتىن الاڭ قۇرىلعان. وسى الاڭدا قازاقستاندىق جاستاردىڭ باسپانا ماسەلەسىن تالقىلاۋعا ارنالعان شارا جوسپارلانىپ وتىر.
«نۇر-سۇلتان، الماتى، شىمكەنت قالالارىندا جۇمىس ىستەپ جۇرگەن جاستارعا ارەندالىق باسپانا بەرىلەتىنىن بىلەسىزدەر. بۇل باعدارلاما 2021 جىلعا دەيىن جوسپارلانعان. اتالعان وڭىرلەردە بۇل باعدارلامانى 2025 جىلعا دەيىن ۇزارتۋ تۋرالى شەشىم قابىلداندى»، - دەدى ول. 2022 جىلدان باستاپ وزگە وڭىرلەردە دە وسىعان ۇقساس باعدارلامالار ىسكە قوسىلادى. ءقازىردىڭ وزىندە 3-4 ءوڭىر نيەت ءبىلدىرىپ وتىر»، - دەدى شاحماردان بايمانوۆ.