جىلۋ جەلىلەرىن رەكونسترۋكسيالاۋعا بايلانىستى 28 شىلدە ساعات 00:00-دەن 10 تامىزعا دەيىن الماتى قالاسىنىڭ جەتىسۋ اۋدانىندا رايىمبەك داڭعىلى بويىندا بايزاقوۆ كوشەسىنەن كازاكوۆ كوشەسىنە دەيىن باتىس باعىتتا اۆتوموتوكولىك قوزعالىسى جابىلادى.
كەپتەلىستى ازايتۋ ءۇشىن بۇل اۋماقتا ريەۆەرسيۆتى قوزعالىس ءۇشىن ۋاقىتشا جولاق بولىنەدى. ريەۆەرس - بۇل جولدارداعى قوزعالىس باعىتى كەرىسىنشە وزگەرۋى مۇمكىن ارنايى جولاق.
بۇعان قوسا، كۇن سايىن ساعات 15:00-دەن 19:00-گە دەيىن جىلۋ جەلىلەرىن جاڭعىرتۋ جونىندەگى جۇمىستاردى جۇرگىزۋ ۋاقىتىندا جول قوزعالىسىنا قوسىمشا باقىلاۋ شارالارى قولدانىلادى.
الماتى اكىمى ەربولات دوسايەۆتىڭ تاپسىرماسىنا سايكەس، قۇرىلىسشىلار داڭعىلدىڭ اسفالت جابىنىن قالپىنا كەلتىرۋدەگى بارلىق جۇمىستى وقۋ جىلى باستالعانعا دەيىن اياقتايدى.
مەردىگەر قۇرىلىس ۇيىمى جىلۋ ماگيسترالىن رەكونسترۋكسيالاۋدى تاۋلىك بويى، كىدىرىسسىز جۇرگىزەدى. بۇل ءۇشىن قۇرىلعان بريگادالار ورىندالعان جۇمىستاردىڭ ساپاسىن بارىنشا قامتاماسىز ەتىپ، نىساندا بىرنەشە اۋىسىمدا جۇمىس ىستەيدى.
الداعى جىلىتۋ ماۋسىمىنا دايىندىق اياسىندا اتالعان جولدىڭ استىنداعى قۇبىردا جوسپارلى جۇمىس جۇرگىزۋ كەزىندە قاۋىپسىزدىكتى قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى.
ءماجبۇرلى قولايسىزدىقتارعا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.
«الماتى جىلۋ جەلىلەرى»ج ش س