ىشكى ىستەر مينيسترلىگى اكادەميالارىنا كۋرسانتتار قابىلداندى.
بيىل 800 ورىن بولىنگەن بولاتىن. الايدا قازاقستاننىڭ تۇكپىر-تۇكپىرىنەن 1500 تالاپكەر قاتىستى، دەپ حابارلايدى Almaty-akshamy.kz 24.kz-كە سىلتەمە جاساپ. سونداي-اق كونكۋرستان تىس وقۋعا تۇسكەندەردىڭ اراسىندا 14 «التىن بەلگى”»يەگەرى مەن ۇبت-دا 100-دەن استام بالل جيناعان 25 تالاپكەر جانە قازا تاپقان ىشكى ىستەر ورگاندارى قىزمەتكەرلەرىنىڭ 3 بالاسى بار. مەملەكەت باسشىسىنىڭ تاپسىرماسىنا سايكەس ءبىلىم بەرۋ باعدارلاماسىنىڭ تىزبەسى بيىل كەڭەيتىلدى. ەندى وقىتۋ پروسەسى جەدەل-ىزدەستىرۋ، اكىمشىلىك-قۇقىقتىق، ىت-كريميناليستيكالىق قامتاماسىز ەتۋ، كيبەرقاۋىپسىزدىك سياقتى باعىتتار بويىنشا جۇرگىزىلەدى.
- ەمتيحان كەزىندەگى ادالدىق وتە جوعارى دەڭگەيدە ءوتىپ جاتىر. بۇكىل شارالاردىڭ بارلىعى تىكەلەي ەفيردە، بىزدە كوميسسيا مۇشەسى رەتىندە كوپتەگەن قوعام بەلسەندىلەرى دە، بۇل سالاعا قاتىسى جوق باسقا سىرتتان ادامدار دا شاقىرىلعان،-دەيدى كوميسسيا مۇشەسى ايدوس جۇمانازار.