بۇدان بۇرىن، جۋرناليستەردى كاسىبي مەرەكەسىمەن قۇتتىقتاعان كەزدە مەملەكەت باسشىسىنىڭ بۇل تۋرالى ايتقانىن جازعانبىز.
قازاقستان رەسپۋبليكاسى اقپارات جانە قوعامدىق دامۋ مينيسترلىگىءنىڭ مالىمەتىنشە، بۇگىن، 2021 جىلعى 13 تامىزدا قازاقستان رەسپۋبليكاسى ۇكىمەتىنىڭ قاۋلىسىمەن 1 قازان - راديو قىزمەتكەرلەرى كۇنى بولىپ جاريالاندى، دەپ حابارلايدى Almaty-akshamy.kz
بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسىمەن قۇتتىقتاۋ بارىسىندا مەملەكەت باسشىسى قاسىم-جومارت توقايەۆ قازاق راديوسىنىڭ 100 جىلدىعىن مەرەكەلەۋ اياسىندا 1 قازان كۇنىن راديو قىزمەتكەرلەرى كۇنى دەپ جاريالاۋدى ۇسىنعان بولاتىن.
راديو قىزمەتكەرلەرىنىڭ كاسىبي كۇنى وتاندىق راديونى ودان ءارى دامىتۋعا قوسىمشا ىنتالاندىرۋ بولادى دەپ بولجانۋدا. قازاقستاندا راديوحابار تاراتۋ تاريحى 1921 جىلدىڭ قازان ايىندا باستالعان.