بۇدان بۇرىن بۇل ەكپەنىڭ قاۋىپسىزدىگى مەن تيىمدىلىگى زەرتتەۋلەر ارقىلى دالەلدەنگەنىن جازعانبىز.
الەمدىك ب ا ق تاراتقان اقپارات بويىنشا، رەسەي تاراپى تاجىكستانعا «سپۋتنيك V» ۆاكسيناسىنىڭ 50 مىڭ دوزاسىن ۇلەستىردى، دەپ حابارلايدى Almaty-akshamy.kz
جوعارى تيىمدىلىك پەن قىسقا مەرزىمدىك ۆاكسيناسيا رەسەيلىك «سپۋتنيك V» پرەپاراتىن ءۇندىستاندا ەڭ تانىمال ەتتى. ءۇندىستاندا رەسەيلىك «سپۋتنيك V» پرەپاراتىمەن ۆاكسينالانعان ادامدار قاتارى ارتىپ كەلەدى، ونىڭ ءوندىرىسىن رەسەيدىڭ تىكەلەي ينۆەستيسيالار قورى (رتيق) ينۆەستيسيالاعان بولاتىن. ەكپە سالدىرعان ادامدار ءوز تاڭداۋىن پرەپاراتتىڭ جوعارى تيىمدىلىگىمەن جانە ۆاكسيناسيا كۋرسىنىڭ جىلدام وتۋىمەن تۇسىندىرەدى.
ءۇندىستاندا «سپۋتنيك V» ۆاكسيناسىنا ۇلكەن قىزىعۋشىلىق قالىپتاسقان. مۇنىڭ ەكى سەبەبى بار: پرەپارات وتە 91%-تەن اساتىن جوعارى تيىمدىلىككە يە، تاعى ءبىر سەبەبى — ءبىرىنشى جانە ەكىنشى ينەكسيا اراسىنداعى قىسقا مەرزىم، 21 كۇندە ءسىز ۆاكسيناسيانىڭ تولىق كۋرسىنان وتە الاسىز»، — دەدى Apollo Hospital كلينيكاسىنىڭ باس فارماكولوگى، دارىگەر سانجيۆ. ءۇندى كلينيكالارىنداعى دارىگەرلەر «سپۋتنيك لايت» ۆاكسيناسىن اسىعا كۇتۋدە جانە وعان دەگەن سۇرانىس ەكى كومپونەنتتى پرەپاراتقا قاراعاندا جوعارى بولادى دەپ بولجايدى.
ارگەنتينادا «سپۋتنيك V» ۆاكسيناسى ءوندىرىلىپ شىعارىلدى، ازىرلەۋشىنىڭ ماقۇلداۋىنا يە بولدى جانە حالىقتى جەرگىلىكتى پرەپاراتپەن ۆاكسيناسيالاي باستادى، - دەپ حابارلادى ەلدىڭ مينيسترلەر كابينەتىنىڭ باسشىسى سانتياگو كافەرو. پرەپاراتتىڭ ءبىرىنشى جانە ەكىنشى كومپونەنتىنىڭ ساپاسىن رەسەيدىڭ گامالەيا ينستيتۋتى ماقۇلداعان. بۇل تۇستا «سپۋتنيك V» ۆاكسيناسىنىڭ 1 ميلليوننان استام دوزاسىن ازاماتتىق اينالىمعا شىعارۋعا قاتىستى مالىمەت بەرىلۋدە.
«گام-كوۆيد-ۆاك» پارتياسى رەسەي فەدەراسياسى ۇكىمەتىنىڭ گۋمانيتارلىق كومەگى اياسىندا تاجىكستانعا تجم ارنايى بورتىمەن جەتكىزىلدى. ۆاكسينا كوروناۆيرۋسقا قارسى حالىقتى جاپپاي يممۋنداۋ ماقساتىندا ءبولىندى. رەسەي تاراپى تاجىكستانعا «سپۋتنيك V» ۆاكسيناسىنىڭ 50 مىڭ دوزاسىن ۇلەستىردى.