پاريجدە قازاقستاننىڭ سپورتتىق دەرجاۆا ەكەنىن تانىتۋعا مىندەتتىمىز

توكيو وليمپياداسىنىڭ ناتيجەسىنەن كەيىن سپورت سالاسىن دامىتۋ ماسەلەسى وزەكتى بولىپ تۇر.

بۇگىن ەلوردادا ق ر مەملەكەتتىك حاتشىسى قىرىمبەك كوشەربايەۆ توكيو-2020 وليمپياداسىنىڭ جەڭىمپازدارىن جەڭىسىمەن قۇتتىقتاۋ بارىسىندا وسىلاي دەدى، دەپ حابارلايدى Almaty-akshamy.kz

مەملەكەتتىك حاتشى سپورتپەن شۇعىلداناتىن حالىقتىڭ سانى ارتسا، تيىسىنشە، ساپانىڭ دا جاقساراتىنىن ايتتى.

«بۇگىندە ەلدىڭ بارىندە ەندى نە ىستەۋ كەرەك دەگەن سۇراق تۋىنداپ جاتىر. ەڭ الدىمەن، بالالار مەن جاسوسپىرىمدەردىڭ دەنە شىنىقتىرۋ جانە سپورتپەن اينالىسۋىن قامتاماسىز ەتۋىمىز قاجەت. وسكەلەڭ ۇرپاقتىڭ سپورتپەن شۇعىلدانۋىنا جاعداي جاساماي، ءىرى جارىستاردا جەڭىسكە جەتەمىز دەۋ ابەستىك. سوندىقتان ەلىمىزدىڭ بارلىق ايماقتارىنداعى سپورت مەكتەپتەرى مەن ۇيىرمەلەرىنىڭ جاعدايىنا تەرەڭ تالداۋ جاسالىپ، ولاردى قولداۋدىڭ كەشەندى جوسپارى جاسالۋى ءتيىس. ونداعى جۇمىستى جۇيەلەپ، قۇر ەسەپ پەن بوس كورسەتكىشكە ەمەس، ناقتى ناتيجەگە ەڭبەكتەنگەن ءجون. حالىقتىڭ سالاۋاتتى ءومىر سالتىن ۇستانىپ، بۇقارالىق سپورتپەن اينالىسۋىن دامىتقان دۇرىس»،- دەدى قىرىمبەك كوشەربايەۆ.