الماتى ىرگەسىندەگى ەسىك قالاسىندا ادەتتەگى سپورتتىق اڭگىمەنىڭ شەڭبەرىنەن شىعىپ، اۋقىمدى ماسەلەنى قامتىعان كەزدەسۋ ءوتتى.
جەرگىلىكتى سپورت مەكتەبىندە جاس سپورتشىلار بۇل جولى جاتتىعۋ مەن جەڭىستەر تۋرالى ەمەس، بايقاتپاي بويلاپ ەنەتىن ءبىر ءقاۋىپ – ءدىني ەكسترەميزم تۋرالى وي ءبولىستى، دەپ حابارلايدى aqshamnews.kz.
ءىس-شارانى ۇيىمداستىرعان – ءدىن سالاسىنداعى ماسەلەلەردى زەرتتەۋ ورتالىعى. ورتالىق وكىلدەرىنىڭ پىكىرىنشە، قازىرگى ۋاقىتتا تەك دەنەنى شىنىقتىرىپ قانا قويماي، سانانى دا مانيپۋلياسيادان قورعاۋ قاجەت. اسىرەسە جاستار اراسىندا – ماقساتشىل، بەلسەندى، جانە ەڭ باستىسى – سەنگىش جاندار ءۇشىن بۇل وتە وزەكتى.
جاس سپورتشىلارمەن اشىق سۇحبات جۇرگىزگەن – ءدىنتانۋشى، ءاقپاراتتىق-تۇسىندىرۋ توبىنىڭ مۇشەسى ءابدىحاميتوۆ باقداۋلەت حاليۋللا ۇلى. ساراپشىنىڭ ايتۋىنشا، ءدىندى جامىلعان كەيبىر توپتار شىن مانىندە جاندى قۇتقارۋدى ەمەس، ەرىك-جىگەردى باعىندىرۋدى كوزدەيدى. بۇگىندە ينتەرنەت – ولاردىڭ باستى قۇرالىنا اينالعان: ولار وزدەرىن تالىمگەر ەتىپ كورسەتىپ، ەموسيا مەن بىلىمسىزدىكتى پايدالانىپ، ادامداردى ءوز تورىنا تۇسىرەدى.
كەزدەسۋ بارىسىندا قاتىسۋشىلار راديكالدى توپتارعا تارتۋشىلاردى قالاي تانۋعا بولاتىنىن، كۇدىكتى ءدىني فورۋمداردا جازىلعاننىڭ بارىنە سەنە بەرۋدىڭ قانشالىقتى ءقاۋىپتى ەكەنىن جانە جەكە ەركىندىك ءۇشىن كۇرەستە سىني ويلاۋدىڭ ماڭىزىن ءبىلدى.
جاس سپورتشىلار ۇيىمداستىرۋشىلارعا شىنايى ءارى پايدالى اڭگىمە ءۇشىن العىستارىن ءبىلدىردى. سەبەبى قازىرگى تاڭدا راديكالدى يدەولوگيالار كەز كەلگەن ۆيرۋستان دا تەز تارايدى. سوندىقتان اقپاراتتىق ساۋاتتىلىق — سپورتتاعى قورعانىس قۇرالىنداي ماڭىزدى.