قازاقستاندىق ايەل قاربىزدىڭ قاۋىپسىزدىگىنە كوز جەتكىزگىسى كەلىپ، تەكسەرىس جۇرگىزدى، دەپ حابارلايدى Ulysmedia.kz.
YouTube جەلىسىندە جاريالانعان ۆيدەودا ايەل ءۇي جاعدايىندا وتكىزگەن «تاجىريبەسىن» كورسەتتى: ول ارنايى نيترات ولشەگىش قۇرىلعىنىڭ كومەگىمەن قاربىزداعى زياندى زاتتاردىڭ مولشەرىن انىقتاماق بولعان. ونىڭ ايتۋىنشا، بۇل قۇرال نيترات پەن ءنيتريتتىڭ قۇرامىن انىقتايدى.
"بيىلعى العاشقى قاربىزدى ساتىپ الدىق. ارينە، ونى نيترات پەن نيتريتكە تەكسەرۋ كەرەك. ءقازىر نيتراتولشەگىشتى قوسامىز. جەۋگە جاراي ما، جوق پا، قاراپ كورەيىك. نيتراتتىڭ مولشەرى شامادان تىس جوعارى. نورما – 60، ال مۇندا – 890! ماسقارا! ارينە، مۇنى قوقىسقا تاستايمىز. اقشا جەلگە ۇشتى"، – دەيدى ايەل داۋىسى كادر سىرتىندا.
نيتراتتار مەن نيتريتتەر – بۇل بەيورگانيكالىق حيميالىق قوسىلىستار، ياعني ازوت قىشقىلى (HNO3) مەن ازوتتى قىشقىلدىڭ (HNO2) تۇزدارى مەن ەفيرلەرى. ولار ادام اعزاسىنا تاعام، سۋ، شىرىن جانە ءسۇت ارقىلى تۇسەدى. اعزاداعى فەرمەنتتەر مەن ىشەك پەن اۋىز قۋىسىنداعى كەيبىر باكتەريالاردىڭ اسەرىنەن ارتىق نيتراتتار الدەقايدا ۋلى نيتريتتەرگە اينالادى.