قىزىلشا قان قىسىمىن تۇسىرەدى

نۋتريسيولوگ: قىزىلشا قان قىسىمىن ءتۇرسىرىپ، باۋىردى نىعايتادى

نۋتريسيولوگ قىزىلشانى قالاي تۇتىنۋ كەرەكتىگى جونىندە ايتتى. كەيبىر اۋرۋلارمەن كۇرەستە قىزىلشا - پايداسى مول امبەباپ كوكونىس. ونىڭ قۇرامىندا قاتەرلى تۇزىلىستەردىڭ ءوسۋىن باياۋلاتاتىن كۇشتى انتيوكسيدانت – بەتاسيانين پيگمەنتى بار. قىزىلشا ارتەريالدى قان قىسىمىن ءتۇسىرىپ، تامىرلاردى نىعايتىپ، اعزاداعى ارتىق سۇيىقتىقتى شىعارۋعا كومەكتەسىپ، باۋىردىڭ جۇمىسىن جاقسارتادى، دەپ حابارلايدى Almaty-akshamy.kz ءتىلشىسى 360tv.ru سايتىنا سىلتەمە جاساپ.

بۇل تۋرالى رەسەيلىك نۋتريسيولوگ اننا دروبىشيەۆا ايتتى.

سونىمەن بىرگە، نۋتريسيولوگتىڭ ايتۋىنشا، پىسكەن قىزىلشا كالسييدىڭ تولىقتاي سىڭۋىنە كەدەرگى جاسايدى. سوندىقتان وستەوپاروزعا بەيىم ادامدارعا ونى قولدانۋدان باس تارتقان ءجون.

قىزىلشا شىرىنىنىڭ دا پايداسى مول، ءبىراق ونى سىعىپ العاننان كەيىن ەكى ساعات قويىپ قويۋ كەرەك. سونداي –اق، شىرىننىڭ 50 ءميلليليترىن 1:4 ارا قاتىناسىندا سۋمەن ارالاستىرۋ كەرەك.

نۋتريسيولوگتىڭ سوزىنشە، قىزىلشانى اسقازان-ىشەك جولى اۋرۋلارىنىڭ اسقىنعان كەزەڭدەرىندە، قانت ديابەتى كەزىندە جانە گيپوتونيادا قولدانۋعا بولمايدى.