بيىل حالىقارالىق ANADOLU تەاتر سىيلىعى جەتىنشى رەت بەرىلىپ وتىر
ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترىنىڭ ديرەكتورى گۇلسينا مەرعالييەۆا قازاقستان تەاتر ونەرى قايراتكەرلەرىنىڭ اراسىندا العاشقى بولىپ تۇركسويدىڭ حالىقارالىق ANADOLU تەاتر سىيلىعىنا يە بولدى، دەپ حابارلايدى Almaty-akshamy.kz
«ماڭعىستاۋ مەديا» سايتى ماراپاتتى تابىستاۋ شاراسى ىستامبۇلدىڭ سۋ گەستەري ساناتلارى ساحناسىندا بولعانى جايلى جازعان. شاراعا تۇركيانىڭ 27 قالاسىنان جانە 10 شەتەلدەن كەلگەن تەاتر قايراتكەرلەرى باس قوستى.
بيىل حالىقارالىق ANADOLU تەاتر سىيلىعى جەتىنشى رەت بەرىلىپ وتىر. قازىلار القاسى الدىمەن 2019-2021 جىلدار ارالىعىنداعى تۇرىك جانە شەتەل تەاتر ونەرىنىڭ دامۋ كورسەتكىشتەرىن سارالاعان. وسىلايشا بەلسەندى شىعارماشىلىق ىزدەنىسى جانە ىسكەر ۇيىمداستىرۋشىلىق قىزمەتى، تۇركى الەمىنىڭ تەاتر كەڭىستىگىنە ۇلەس قوسقان مادەنيەت قىزمەتكەرلەرىن تاڭداعان.