الماتىعا جۇمىس ساپارى بارىسىندا ق ر پرەمەر-مينيسترىنىڭ ورىنباسارى ەرالى توعجانوۆ «ۇلتتىق رۋحاني جاڭعىرۋ» ۇلتتىق جوباسىن تالقىلاۋ بويىنشا عىلىمي-شىعارماشىلىق زيالى قاۋىممەن كەزدەسۋ وتكىزدى دەپ حابارلايدى almaty-akshamy.kz
كەزدەسۋگە شىعارماشىلىق جانە اكادەميالىق سالانىڭ، قوعامدىق كەڭەستىڭ، قازاقستان حالقى جانە جاستار اسسامبلەياسىنىڭ وكىلدەرى، سونداي-اق اقپارات جانە قوعامدىق دامۋ ءمينيسترى ايدا بالايەۆا، مادەنيەت جانە سپورت ءمينيسترى اقتوتى رايىمقۇلوۆا، الماتى قالاسى اكىمىنىڭ ورىنباسارى ەرجان باباقۇماروۆ، ءبىلىم جانە عىلىم ءبىرىنشى ۆيسە-مينيسترى شولپان كارينوۆا قاتىستى.
مەملەكەت باسشىسى قاسىم-جومارت توقايەۆتىڭ «ۇلتتىق جوبالار تىزبەسىن بەكىتۋ تۋرالى» جارلىعىمەن بەكىتىلگەن ۇلتتىق قۇندىلىقتار مەن داستۇرلەردى، مادەني دەڭگەيدى ارتتىرۋ جانە زاماناۋي قوعامدى رۋحاني جەتىلدىرۋ، ق ر تۇڭعىش پرەزيدەنتى-ەلباسى نۇرسۇلتان نازاربايەۆتىڭ باعدارلامالىق ماقالاسىندا كورىنىس تاپقان «رۋحاني جاڭعىرۋ» قۇندىلىقتارىن جانە «ۇلتتىق رۋحاني جاڭعىرۋ» ۇلتتىق جوباسىن ىلگەرىلەتۋ ماسەلەلەرىنە نازار اۋدارىلدى.
بۇگىندە ەلىمىزدە 10 ناقتى ۇلتتىق جوبا بەلگىلەنگەن، ونىڭ ىشىندە «ۇلتتىق رۋحاني جاڭعىرۋ» جوباسى دا بار. جوبانىڭ ماقساتى – ۇلتتىق-مادەني بىرەگەيلىكتى ساقتاۋ جانە مادەني ونىمدەردى ىنتالاندىرۋ، ولاردىڭ ساپاسى مەن الۋان تۇرلىلىگىن ارتتىرۋ ارقىلى ءاربىر قازاقستاندىقتىڭ كوركەمدىك-شىعارماشىلىق الەۋەتىن ىسكە اسىرۋ، جاس ۇرپاقتىڭ بويىندا رۋحاني ادامگەرشىلىك قۇندىلىقتاردى قالىپتاستىرۋ، سونداي-اق مەملەكەتتىك ءتىلدىڭ قولدانىلۋ اياسىن كەڭەيتۋ، وتاندىق مادەني ونىمدەردى ىلگەرىلەتۋ، ونىڭ ىشىندە ءبىرىڭعاي ەلەكتروندىق پلاتفورما قۇرۋ ارقىلى «e-culture.kz». ۇلتتىق جوبالاردى ىسكە اسىرۋ ەكونوميكانىڭ ورنىقتىلىعى مەن باسەكەگە قابىلەتتىلىگىن ودان ءارى ارتتىرۋدىڭ، قازاقستاندىقتاردىڭ ءومىر ءسۇرۋ ساپاسىن جاقسارتۋدىڭ فاكتورىنا اينالادى.
الماتىدا «رۋحاني جاڭعىرۋ» باعدارلاماسى اياسىندا اعىمداعى جىلدىڭ 9 ايىندا 347 جوبا جۇزەگە اسىرىلدى. «ۇلى دالانىڭ جەتى قىرى» ماقالاسى اياسىندا 80-نەن استام ءىس-شارا ورىندالدى، ولاردىڭ كوپشىلىگى دالانىڭ ۇلى تاريحي قايراتكەرلەرىنىڭ ءومىرىن، مۇراسىن ناسيحاتتاۋ بويىنشا ءوتتى. كىتاپحانالار بازاسىندا «ۇلى دالانىڭ ۇلى ەسىمدەرى» ارنايى جوباسىن قامتيتىن 105 دامىتۋ ۇيىرمەسى جۇمىس ىستەيدى. «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق». جاڭا ارنايى جوبالاردى ىسكە اسىرۋ باستالدى: پراگماتيزمدى، ۇتىمدى داعدىلاردى تاربيەلەۋگە، مادەني مۇرانى زەردەلەۋگە جانە ت.ب. باعىتتالعان 67 ءىس-شارا وتكىزىلدى، سونىمەن قاتار، قالانىڭ بارلىق كوللەدجدەرى مەن كوپتەگەن مەكتەپتەرىندە «رۋحاني جاڭعىرۋ» باعدارلاماسى اياسىندا جەكە تۇلعانى دامىتۋعا باعىتتالعان ءىس-شارالاردى وتكىزۋگە جاۋاپتى تۇلعالار انىقتالدى (ءپاتريوتيزمدى تاربيەلەۋ، شىعارماشىلىق الەۋەتتى ارتتىرۋ جانە ت. ب.).
كەزدەسۋگە قاتىسۋشىلار ءوز سوزدەرىندە مادەني ينفراقۇرىلىمدى ودان ءارى دامىتۋ، ۇلتتىق قۇندىلىقتاردى مەديا ونىمدەر مەن كينونىڭ ءتۇرلى فورماتتارىندا ىلگەرىلەتۋ، مەملەكەتتىك تىلدە ءبىلىم بەرۋ كونتەنتىن ارتتىرۋ جانە ت. ب. ماسەلەلەر بويىنشا ءبىرقاتار ۇسىنىستار ايتتى.
تالقىلاۋعا ق ر جازۋشىلار وداعىنىڭ ءتوراعاسى ۇلىقبەك ەسداۋلەت، ق ر كينەماتوگرافيستەر وداعىنىڭ باسقارما ءتوراعاسى ەرمەك تۇرسىنوۆ، «قازاقستاندىق اۆتورلىق قوعام» رقب ءتوراعاسى، ق ر كومپوزيتورلار وداعىنىڭ قۇرمەتتى ءتورايىمى بالنۇر قادىربەك، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەركىن جۋاسبەك، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، جازۋشىلار وداعىنىڭ مۇشەسى سماعۇل ەلۋبايەۆ، م. لەرمونتوۆ اتىنداعى ۇلتتىق اكادەميالىق ورىس دراما تەاترىنىڭ ديرەكتورى يۋريي ياكۋشيەۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ەكس-رەكتورى تاكير بالىقبايەۆ، لينگۆيست انار فازىلجان قاتىستى. ءوز كەزەگىندە، مەملەكەتتىك ورگاندار وكىلدەرى «ۇلتتىق رۋحاني جاڭعىرۋ» ۇلتتىق جوباسى اياسىنداعى جۇمىستىڭ نەگىزگى باعىتتارىن ءتۇسىندىرىپ، كوتەرىلگەن ماسەلەلەرگە تۇسىنىكتەمە بەردى.
كەزدەسۋ سوڭىندا ەرالى توعجانوۆ عىلىمي-شىعارماشىلىق زيالى قاۋىم وكىلدەرىنە مادەني قۇرامداس بولىكتى دامىتۋعا، ەلدىڭ شىعارماشىلىق الەۋەتىن ارتتىرۋعا قوسقان ۇلەسى ءۇشىن العىس ءبىلدىرىپ، مەملەكەتتىك ورگاندارعا ۇلتتىق جوبالاردى، ونىڭ ىشىندە كەزدەسۋ بارىسىندا ايتىلعان ۇسىنىستاردى ەسكەرە وتىرىپ، ساپالى ىسكە اسىرۋ ءۇشىن ءوزارا ءىس-قيمىلدى كۇشەيتۋ جونىندە ءبىرقاتار تاپسىرمالار بەردى.
انىقتاما: ۇلتتىق جوبالاردى ىسكە اسىرۋدىڭ نەگىزگى باعىتتارى اراسىندا:
- «رۋحاني جاڭعىرۋ» قۇندىلىقتارىن ىلگەرىلەتۋ جانە مەملەكەتتىك ءتىلدى دامىتۋ"، قازاقستاندىق بىرەگەيلىك پەن زياتكەرلىك الەۋەتتى دامىتۋ مىندەتتەرىن شەشەدى؛
- «ەل رۋحى» مادەنيەت سالاسىنداعى قىزمەتتەردىڭ ساپاسىن ارتتىرۋعا، وتاندىق مادەني ونىمدەردىڭ قولجەتىمدىلىگىن جانە كەڭىنەن تانىلۋىن قامتاماسىز ەتۋگە مۇمكىندىك بەرەدى.
- «تاۋەلسىزدىك ۇرپاقتارى» تالانتتى جاستاردى قوعامدىق پايدالى قىزمەتكە تارتۋعا جاڭا مۇمكىندىكتەر بەرەدى.
