قىزىلوردالىق ستۋدەنتتەر كۇرىشتەن قاعاز شىعارادى

ايماقتا ءبىر جىلدا شامامەن 500 مىڭ توننا كۇرىش جينالادى.

قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتتەرى كۇرىشتەن قاعاز شىعارۋدى ۇيرەندى، دەپ حابارلايدى Almaty-akshamy.kz

ونى ساپاسى اينالىمداعى كەڭسە قاعازدارىنان كەم تۇسپەيدى، دەپ حابارلايدى Sputnik قازاقستان Astana TV ارناسىنا سىلتەمە جاساپ.

"ايماقتا ءبىر جىلدا شامامەن 500 مىڭ توننا كۇرىش جينالادى. بۇدان شىعاتىن قالدىقتىڭ دا كولەمى سوعان پارا-پار. ءدان جينالعاننان كەيىن، ساباندار القاپتاردا ورتەلەدى. ال ونىڭ ادام دەنساۋلىعىنا زيانى كوپ"، - دەيدى جاس عالىمدار. سوندىقتان دا كۇرىش قالدىقتارىن كادەگە جاراتىپ، قاعازدىڭ نەگىزگى شيكىزاتىن ويلاپ تاپقان.

«سەلليۋلوزا بىزدە قاراپايىم ا4 كەڭسە تاۋارى بولىپ تابىلادى. وسىنىڭ قۇرامىندا بار، جالپى، ءبىز جاساعان سەلليۋلوزانىڭ پروسەنتى تولىعىمەن ستاندارتتىق جوبالارعا ساي كەلەدى. تولىعىمەن قاعاز بولىپ شىعۋ ءۇشىن، ءبىز كىشكەنە بولشەكتەرىن الدىق. بۇعان ءبىرىنشى كەزەكتە ۇلكەن جۇمىس كۇشى جانە ۇلكەن ۇلكەن اپپاراتتار دا قاجەت بولادى»، - دەيدى ستۋدەنت ماعجان بەكقوجايەۆ.

بۇل شيكىزاتتان كەڭسە قاعازىنان بولەك، مايلىق، دارەتحانا قاعازىن شىعارۋعا بولادى. ءتىپتى، اسكەري قۇرىلعىلار جاساۋدا دا قولدانىلادى ەكەن. مۇنداي جوبا بۇرىن-سوڭدى ەلىمىزدە بولماعان.

«الماتىدا قاعاز شىعاراتىن زاۋىت بار، سول زاۋىتتىڭ وكىلدەرى كەلىپ، ءبىزدىڭ جۇمىسقا قىزىعىپ، ۇلگىلەرىمىزدى الىپ كەتتى. ودان بولەك، رەسەيلىك عالىمدار بار. عىلىم قورىنىڭ باسشىلىعى دا كەلىپ، وسى جۇمىسقا قىزىعۋشىلىق تانىتتى. ءقازىر ينۆەستور بولۋعا دايىن تۇرعان بيزنەس ارىپتەستەرىمىز دە بار»، - دەپ اتاپ كورسەتتى پروفەسسور نۇربول اپپازوۆ.

6 جىلدىق ەڭبەكتىڭ ناتيجەسىن كورگەن عالىمدار كۇرىش سابانىن زەرتتەۋدى ودان ءارى جالعاستىرماق. ولار ەندى بيوتىڭايتقىشتار جاساپ جاتىر.