قازاقستاندا جۇرگىزىلىپ جاتقان ساياسي رەفورمالار ەلدىڭ ەرتەڭى ءۇشىن اسا ماڭىزدى.
اقش-تاعى Newline ساراپتامالىق ينستيتۋتىنىڭ ديرەكتورى كامران ءبوحاريدىڭ پىكىرى وسىنداي، دەپ حابارلايدى Almaty-akshamy.kz.
پرەزيدەنتتىك سايلاۋعا حالىقارالىق بايقاۋشى رەتىندە قاتىسۋدى جوسپارلار وتىرعان ساراپشى بيىلعى سايلاۋ ەل بىرلىگى مەن بولاشاققا دەگەن سەنىمىن كورسەتەدى دەيدى.
«جالپى، قازاقستان ءۇشىن ماڭىزدى كەزەڭدە تۇر. سەبەبى، الەمدە بولىپ جاتقان ءتۇرلى وقيعالارمەن تۇسپا-تۇس كەلگەن، كۇردەلى شاقتا ابدىراپ قالماي، العا جىلجۋ كەرەك. بۇل ورايدا بيلىك وتە باتىل ارەكەت ەتىپ جاتىر. بۇل قادامدار ءدال ءقازىر مەملەكەت ءۇشىن، ۇكىمەتتىڭ رەفورمالاردى ەش كەدەرگىسىز جۇزەگە اسىرۋى ءۇشىن كەرەك»، - دەيدى «Newline institute» ساراپتامالىق دامۋ ينستيتۋتىنىڭ ديرەكتورى كامران بوحاري.