وبلىس ورتالىعىندا الاياقتىق وقيعالارى جيىلەپ بارادى
قىزىلوردا وبلىسىندا مەملەكەتتىك باعدارلامامەن پاتەر الىپ بەرەتىنىن ايتىپ، 19 ادامدى الداپ كەتكەن ازاماتشا ۇستالدى، دەپ حابارلادى Almaty-akshamy.kz.
قىزىلوردا قالاسى پوليسيا باسقارماسىنا وبلىس ورتالىعىنىڭ 19 تۇرعىنى الاياقتىڭ قۇربانى بولعانى جونىندە ارىزداندى.
ارىزدا كورسەتىلگەنىندەي، وتكەن جىلدان بەرى ءبىر ازاماتشا سەنىمدەرىنە كىرىپ، مەملەكەتتىك باعدارلامامەن پاتەر الىپ بەرەمىن دەپ ۋادە ەتكەن.
سالدارىنان ول جابىرلەنۋشى تۇرعىندارعا 20 ملن تەڭگەدەن استام شىعىن كەلتىرگەن.
«پوليسيا قىزمەتكەرلەرى تەكسەرۋ جۇمىسىن جۇرگىزدى. كۇدىكتى رەتىندە 32 جاستاعى ازاماتشا ۇستالدى. اتالعان دەرەك بويىنشا ق ر قىلمىستىق كودەكسىنىڭ 190-بابىنىڭ 3-بولىگى 1،3،4-تارماعىمەن سوتقا دەيىنگى تەرگەپ-تەكسەرۋ ءجۇرىپ جاتىر»، - دەپ ءمالىم ەتتى قىزىلوردا وبلىستىق پوليسيا دەپارامەنتىنەن.
ۆەدومستۆو مالىمەتىنشە، وبلىس ورتالىعىندا الاياقتىق وقيعالارى جيىلەپ بارادى. جىل باسىنان بەرى قىزىلوردا قالاسىندا 322 الاياقتىق دەرەگى تىركەلگەن.
ەسكە سالساق، بۇدان بۇرىن حالىقارالىق ىزدەۋدە جۇرگەن قىزىلوردالىق قاراعاندىدا ۇستالدى.