ۆاگون ءىشى 3 ساعات سايىن تازارتىلادى
بولات جولدا جۇيتكىگەن ۆاگونداردىڭ 800ء-ى ەسكى. كوبى 44 جىلدان بەرى ءجۇر. ال كۇندەلىكتى قاتىنايتىن 700-ۆاگوندا جەلدەتكىش جوق، دەپ حابارلايدى Almaty-akshamy.kz «حابار 24» سايتىنا سىلتەمە جاساپ.
جالپى «قازاقستان تەمىر جولى» ۇلتتىق كومپانياسىنىڭ پاركىندە 2 مىڭ 215 ۆاگون بار ەكەن، ونىڭ 1 مىڭ 429-ى ەسكى. ءبىر ءتاۋىرى ءقازىر جاڭا ستاندارتتار ەنگىزىلگەن. ۆاگون ءىشى 3 ساعات سايىن تازارتىلادى. تەكسەرۋ دە كۇشەيىپ، جاۋاپسىز تاسىمالداۋشى كومپانيالارعا 32 ملن تەڭگە ايىپپۇل سالىنعان. جاز ۋاقىتىندا قوسىمشا 3 باعىت قوسىلادى. ەڭ باستىسى، بيىل الاكولگە قاتىنايتىن پويىزداردا ولقىلىقتار بولمايدى»- دەيدى تەمىرجولشلار.
«سۇرانىسى جوعارى الاكول باعىتىنا 11 پويىز قاتىنايدى. 5-ەۋى الماتىدان، قالعاندارى نۇر-سۇلتان مەن شىعىس قازاقستان وبلىسىنان. وتكەن جىلدارداعى سىن-ەسكەرتپەلەردى قاپەرگە الا وتىرا، بيىل بارلىعىن جەلدەتكىشپەن قامتىپ، كۋپە ۆاگوندارىن كوبەيتتىك، تالگو پويىزدارىن ىسكە قوستىق»،-دەيدى «جولاۋشىلار تاسىمالى» اق باسقارما ءتوراعاسى جانىبەك تايجانوۆ.