قازىرگى كەزدە وسى وقيعاعا بايلانىستى ءىس قوزعالىپ، وقيعانىڭ ءمان-جايى انىقتالىپ جاتىر
اقمولا وبلىسىندا بىر-بىرىمەن قاقتىعىسقان بارلىعى 15 ادامنان تۇراتىن قارۋلى ەكى توپ قولعا ءتۇستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وبلىستىق پد باسپا ءسوز قىزمەتىنىڭ مالىمەتىنشە، ماۋسىمنىڭ 28-دە دەپارتامەنتتىڭ كريمينالدىق پوليسيا باسقارماسىنىڭ قىزمەتكەرلەرىنە «قاراساي تاس جولى» اينالما جولى بويىنداعى اۆتودرومدا قارۋلى توپتاردىڭ قاقتىعىسى ورىن العاندىعى تۋرالى حابار ءتۇستى.
«وقيعا ورنىنا كريمينالدىق پوليسيا باسقارماسىنىڭ ارنايى ماقساتتاعى بولىمشە جەدەل-تەرگەۋ توبىنىڭ قىزمەتكەرلەرى دەرەۋ جەتتى. الدىن الا تەرگەۋ بارىسىندا قاقتىعىسقا قاتىسۋشىلار - كوكشەتاۋ جانە قاراعاندى قالالارىنىڭ 22 جاستان 40 جاسقا دەيىنگى 15 تۇرعىنى ەكەنى انىقتالدى. ولاردان Tranfoglio جانە «ستراجنيك» ماركالى جاراقات تاپانشالارى، ءوق-دارى، بۇرىش بۇرىككىشتەرى، پىشاقتار مەن كاستەتتەر تاركىلەندى»، - دەدى ۆەدومستۆودان.
پوليسيا دەپارتامەنتى باسپا ءسوز قىزمەتىنەن اتاپ وتكەندەي، قازىرگى كەزدە وسى وقيعاعا بايلانىستى ءىس قوزعالىپ، وقيعانىڭ ءمان-جايى انىقتالىپ جاتىر.
«قارۋلى قاقتىعىسقا بايلانىستى قىلمىستىق كودەكستىڭ 287-بابىنىڭ 3-بولىگى - قارۋدى زاڭسىز ساقتاۋ جانە تاسىمالداۋ بويىنشا سوتقا دەيىنگى تەرگەۋ باستالدى. كەلۋ تۋرالى مىندەتتەمە تۇرىندە پروسەسسۋالدىق ماجبۇرلەۋ شاراسى تاڭدالدى. ساراپتاما تاعايىندالدى»، - دەپ تولىقتىردى ۆەدومستۆودان.