قىزىلوردا وبلىسىنا جۇمىس ساپارى بارىسىندا ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ وڭىردەگى قاتتى تۇرمىستىق قالدىقتاردى (قتق) قايتا وڭدەۋ پوليگونىنىڭ قۇرىلىس بارىسىمەن تانىستى. بۇل شارالار مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان «تازا قازاقستان» ۇلتتىق باستاماسىنىڭ اياسىندا قولعا الىنۋدا.
قازىرگى تاڭدا قىزىلوردا وبلىسىندا جىلىنا ورتا ەسەپپەن 303 مىڭ توننا قتق شىعارىلادى، ونىڭ 30،1%-ى قايتا وڭدەلەدى. قتق جيناۋ جانە اكەتۋ قىزمەتتەرىمەن ءوڭىر تۇرعىندارىنىڭ 71،5%-ى قامتىلعان.
وبلىس بويىنشا:
-
8 ەلدى مەكەندە قتق-نى بولەك جيناۋ جۇيەسى ەنگىزىلگەن؛
-
8 ەلدى مەكەندە سۇرىپتاۋ جۇمىستارى جۇرگىزىلەدى؛
-
قالدىقتاردى بولەك جيناۋ، سۇرىپتاۋ جانە قايتا وڭدەۋمەن اينالىساتىن 17 كاسىپورىن جۇمىس ىستەيدى.
سونىمەن قاتار، «جاسىل دامۋ» اق جانە «ونەركاسىپتى دامىتۋ قورى» اق بىرلەسىپ، 9 جاڭا كاسىپورىن سالۋدى جوسپارلاپ وتىر. ولار قالدىقتاردى سۇرىپتاۋ جانە قايتا وڭدەۋدى جانداندىرۋعا باعىتتالعان.
قازىرگى تاڭدا وبلىس اۋماعىندا 145 قتق پوليگونى بار. 2021–2024 جىلدارى:
-
ارال قالاسىندا،
-
تەرەڭوزەك كەنتىندە،
-
قىزىلوردا قالاسىندا
3 پوليگون مەن 2 قوقىس سۇرىپتاۋ كەشەنى سالىندى.
الداعى ۋاقىتتا ارال (سەكسەۋىل)، جالاعاش، شيەلى جانە جاڭاقورعان اۋداندارىندا جاڭا سۇرىپتاۋ كەشەنى بار پوليگوندار سالۋ جوسپارلانعان.
بۇگىنگى كۇنى قىزىلوردا قالاسىندا جاڭا قالدىقتاردى سۇرىپتاۋ زاۋىتىنىڭ كاپسۋلاسى رەسمي تۇردە سالىنىپ، جوبا قۇرىلىسىن باستاۋعا العاشقى قادام جاسالدى. كاپسۋلا سالۋ راسىمىنە ەكولوگيا ءمينيسترى ەرلان نىسانبايەۆ پەن وبلىس اكىمى قاتىستى.