ق ر وقۋ-اعارتۋ مينيسترلىگىنە قاراستى «Talap» كوممەرسيالىق ەمەس اكسيونەرلىك قوعامى تەحنيكالىق جانە كاسىپتىك ءبىلىم بەرۋ ۇيىمدارى اراسىنداعى «توپ–100 ستۋدەنت» رەسپۋبليكالىق بايقاۋىنىڭ قورىتىندىسى بويىنشا ەلەكتروندىق جۋرنال دايىندادى، دەپ حابارلايدى aqshamnews.kz
جۋرنالدا بايقاۋدىڭ ماقساتى مەن مىندەتتەرى، ۇيىمداستىرۋشى، وپەراتور جانە سەرىكتەستەر تۋرالى اقپاراتتار جيناقتالعان. نەگىزگى نازار — ەلىمىزدىڭ ۇزدىك 100 كوللەدج ستۋدەنتىنە اۋدارىلعان. جيناقتا ولاردىڭ:
-
ءاتى-جونى،
-
وقۋ ورنى مەن ماماندىعى،
-
ىرىكتەۋ پرينسيپتەرى،
-
جەتىستىكتەرى مەن قوعامدىق بەلسەندىلىگى،
-
كاسىبي جوبالارعا قاتىسۋ ناتيجەلەرى (جۇمىسقا ورنالاسۋى، ترەنينگتەرگە قاتىسۋى جانە ت.ب.)
تۋرالى تولىق مالىمەت بەرىلگەن.
«ەلەكتروندىق جۋرنال ستۋدەنتتەرگە، وقىتۋشىلارعا، كوللەدج وكىلدەرى مەن جۇمىس بەرۋشىلەرگە پايدالى اقپارات كوزى بولادى. ول www.talap.edu.kz رەسمي سايتىندا قولجەتىمدى»، — دەدى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۇحامبەتوۆ.
ايتا كەتەيىك، «توپ–100 ستۋدەنت» بايقاۋى 2025 جىلدىڭ ناۋرىزىندا باستالعان بولاتىن. جوبانىڭ ماقساتى — تەحنيكالىق جانە كاسىپتىك ءبىلىم بەرۋ جۇيەسىندە وقىپ جۇرگەن دارىندى، بەلسەندى ءارى بولاشاعىنان ءۇمىت كۇتتىرەتىن ستۋدەنتتەردى انىقتاۋ جانە قولداۋ.