ۇقك شەكارا قىزمەتىنىڭ اسكەري مىندەتتىلەردى اسكەري جيىندارعا شاقىرۋ تۋرالى بۇيرىعى جاريالانادى.
وسىعان بايلانىستى بيىل اسكەري جيىندارعا 150 بورىشكەردى شاقىرۋ جوسپارلانعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اتالعان اسكەري جيىندى ۇقك شەكارا قىزمەتى 2022 جىلى 30 كۇندىك مەرزىمدە بۇدان ءارى جىل سايىن وتكىزۋدى جوسپارلاپ وتىر. اسكەري جيىن كەزەڭىندە مىندەتتىلەردىڭ جۇمىس ورنى مەن لاۋازىمى ساقتالادى. ولارعا مەملەكەت ەسەبىنەن ورتاشا جالاقى، ال جۇمىس ىستەمەيتىندەرگە ەڭ تومەنگى جالاقى تولەنەدى»، - دەلىنگەن قۇجاتتا.
بۇيرىق 20 ماۋسىمدا كۇشىنە ەنەدى. قۇجاتتا كورسەتىلگەندەي، اسكەري جيىنداردان جالتارعان ازاماتتارعا 5 اەك مولشەرىندە ايىپپۇل سالىنادى.