جامبىل وبلىسىندا جولاۋشىلار پويىزىنان ءورت شىعىپ، 34 ادام ءقاۋىپسىز اۋماققا كوشىرىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«8 قازان كۇنى ساعات 02.45-تە كولىك پوليسياسىنا جامبىل وبلىسىنداعى «بۋرنىي - سۇرىم» وتكەلىندە «قىزىلوردا – سەمەي» باعىتىنداعى جولاۋشىلار پويىزىنىڭ ەلەكترقوندىرعى بولمەسىندە ءورت بولعانى جونىندە حابارلاما ءتۇستى.
وقيعا ورنىنا كولىك پوليسياسىنىڭ جەدەل-تەرگەۋ توبى جەتىپ، ورتەنگەن ۆاگوننىڭ ەكى جاعىن دەرەۋ اعىتتى، 34 جولاۋشىنى ءقاۋىپسىز ۆاگوندارعا شىعاردى»، - دەلىنگەن مالىمەتتە.
پوليسيا اقپاراتىنا سۇيەنسەك، پويىز بريگاداسىمەن بىرلەسىپ، كولىك پوليسياسى پاترۋلدىك ناريادىنىڭ قىزمەتكەرلەرى شاميل كەرىمبايەۆ پەن ەرجان مايسۋپوۆ كاسىبي شەبەرلىكتەرىن كورسەتىپ، ادام ومىرىنە اراشا ءتۇستى.
«بىرلەسكەن ءىس-شارانىڭ ناتيجەسىندە جولاۋشىلار زارداپ شەككەن جوق. اتالعان فاكتى بويىنشا تەرگەۋ باستالدى»، - دەپ ناقتىلادى پوليسيادان.