گاز سالاسىن دامىتۋ جونىندە ەسەپ بەرىلدى
پرەزيدەنت قاسىم-جومارت توقايەۆ «QazaqGaz» ۇك» اق باسقارما ءتوراعاسى سانجار جاركەشوۆتى قابىلدادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«مەملەكەت باسشىسىنا ىشكى نارىقتى تاۋارلىق گازبەن قامتاماسىز ەتۋگە باسىمدىق بەرۋ جونىندەگى تاپسىرماسىنىڭ ورىندالۋ بارىسى تۋرالى ەسەپ بەرىلدى.
سانجار جاركەشوۆ قاسىم-جومارت توقايەۆقا گاز سالاسىن دامىتۋدىڭ كەشەندى جوسپارىنىڭ جۇزەگە اسىرىلۋ بارىسى جونىندە باياندادى. اتالعان جوسپاردا رەسۋرستىق بازانى كەڭەيتۋ، ەلىمىزدەگى گاز تاسىمالداۋ ينفراقۇرىلىمىن جاڭعىرتۋ جانە گاز سالاسىن رەفورمالاۋ ماسەلەلەرى قامتىلعان. زاڭناماعا ءتيىستى وزگەرىستەر جىل سوڭىنا دەيىن ەنگىزىلەدى.
مەملەكەت باسشىسى گاز سالاسىن دامىتۋدىڭ كەشەندى جوسپارىن ودان ءارى جۇزەگە اسىرۋدى جالعاستىرۋ جانە قاشاعان كەن ورنىندا سالىنىپ جاتقان گاز وڭدەۋ زاۋىتىنىڭ قۇرىلىسىن جەدەلدەتۋ جونىندە تاپسىرما بەردى»، - دەلىنگەن اقوردا مالىمەتىندە.