4 مىڭ 600 گەكتار جەر ساياق شەگىرتكەگە قارسى حيميالىق وڭدەۋدەن ءوتتى
قىزىلوردا وبلىسى شيەلى اۋدانىنىڭ 3 ەلدى مەكەنىندە ساياق شەگىرتكە قاپتاپ كەتتى. بۇل تۋرالى Almaty-akshamy.kz «حابار24» تەلەارناسىنا سىلتەمە جاساپ حابارلايدى.
وسىعان وراي شارۋاشىلىقتار زيانكەستەرگە قارسى ءدارى شاشۋ جۇمىستارىن جۇرگىزدى. جالپى بيىل شيەلى اۋدانى بويىنشا 30 مىڭ گەكتارداي جەر زەرتتەلىپ، 4 مىڭ 600 گەكتارى ساياق شەگىرتكەگە قارسى حيميالىق وڭدەۋدەن ءوتتى. سونىمەن قاتار شارۋاشىلىق قۇرىلىمدارىنىڭ 5 مىڭ گەكتارداي جەرىنە زيانكەستەرگە قارسى پرەپاراتتار سەبىلدى.
مۇنان بولەك اسا ءقاۋىپتى ازيالىق شەگىرتكەگە قارسى شارالار دا جوسپارلى تۇردە جالعاسۋدا. بۇل رەتتە اۋدان بويىنشا 12 مىڭ 440 گەكتاردان استام جەر زالالسىزداندىرىلعان.
«بەستام، ەڭبەكشى جانە وسى كەنت ورتالىعىنا بۇلتتى داۋىل كەلىپ، ارنايى تابيعي قۇبىلىستىڭ اسەرىنەن بولعان. ءبىز دەر كەزىندە ۋلاۋ مەكەمەلەرىمەن بىرىگىپ وڭدەدىك. ەشقانداي دا ەگىنگە زالالىن تيگىزگەن جوق»، - دەيدى شيەلى اۋداندىق اۋىل شارۋاشىلىعى ءبولىمىنىڭ باسشىسى مۇرات اشىربەكوۆ.