ەلورداداعى №2 سارىارقا اۋداندىق سوتىندا دەنساۋلىق ساقتاۋ ەكس-مينيسترى ەلجان ءبىرتانوۆ پەن بۇرىنعى ۆيسە-مينيستر ولجاس ابىشيەۆكە قاتىستى كەزەكتى سوت وتىرىسى ءوتىپ جاتىر، دەپ حابارلايدى Almaty-akshamy.kz Baq.kz-كە سىلتەمە جاساپ.
پروكۋرور باۋىرجان شەكەنوۆ ۆەدومستۆونىڭ بۇرىنعى باسشىلارىنا قاتىستى قانداي ايىپ تاعىلىپ وتىرعانىن مالىمدەدى.
ءبىرتانوۆتى مەديسينالىق مەكەمەلەردىڭ قىزمەتىن اۆتوماتتاندىرۋ مەن ونى باسقارۋ ءۇشىن اقپاراتتىق جۇيەنى ازىرلەۋ كەزىندە قىزمەتتىك وكىلەتىن اسىرا پايدالاندى دەپ كىنالاپ وتىر. بەلگىلى بولعانداي، 2015 جىلدىڭ جەلتوقسانىندا دەنساۋلىق ساقتاۋ مينيسترلىگى حورۆاتيالىق Ericsson Nikola Tesla فيرماسىمەن پلاتفورمانى ءبىر جىل ىشىندە جەتكىزۋ ءۇشىن 17،8 ملن دوللارعا كەلىسىمشارت جاساسقان. الايدا اتالعان مەرزىمدە پلاتفورمانى ىسكە قوسىپ ۇلگەرمەگەن.
«پلاتفورمانى كورسەتىلگەن مەرزىمدە اياقتاۋ ءۇشىن ءبىرتانوۆ رەسپۋبليكالىق بيۋدجەتتىڭ قاراجاتىنان 6،8 ملن دوللار نەمەسە 2،9 ملرد تەڭگە قوسىمشا بولۋگە ءوتىنىش جىبەرۋ تۋرالى شەشىم قابىلداعان. 2018 جىلى 6 ماۋسىمدا ءبىرتانوۆ ءوزىنىڭ زاڭسىز نۇسقاۋىن ورىنداۋدى قامتاماسىز ەتۋ ءۇشىن تانىسى ابىشيەۆتى ۆيسە-مينيستر لاۋازىمىنا تاعايىنداعان»، - دەپ اتاپ ءوتتى پروكۋرور.
ايىپتاۋشىلاردىڭ نۇسقاسى بويىنشا، ءبىرتانوۆ 2018 جىلعى 5 قازانداعى №569 بۇيرىعى ارقىلى قىزمەتتىك وكىلەتتىلىگىن اسىرا پايدالانىپ، پيلوتتىق ەكسپلۋاتاسياعا اياقتالماعان پلاتفورمانى ەنگىزگەن.
«ال 2018 جىلى 11 جەلتوقساندا ابىشيەۆ مينيستر ءبىرتانوۆتىڭ زاڭسىز نۇسقاۋىن ورىنداي وتىرىپ، پلاتفورمانىڭ پيلوتتىق ەكسپلۋاتاۋسيانىڭ ءساتتى اياقتالعانى تۋرالى سەرتيفيكات بەرگەن. وسى ورايدا، پلاتفورما بويىنشا بارلىق جۇمىستار ورىندالمادى جانە ونىڭ تولىقتاي ىسكە قوسىلۋىن جەتكىزۋشى قامتاماسىز ەتپەدى»، - دەدى پروكۋرور.
سونىمەن قاتار ەلجان ءبىرتانوۆقا 2020 جىلى پاندەميا باستالعان كەزەڭدە ساناۆياسيانىڭ بورتىن پايدالانۋعا قاتىستى ايىپ تاعىلدى.