اتوم ەلەكتر ستانسياسىن سالۋ جونىندەگى رەفەرەندۋم قارساڭىندا وڭىرلەردە ءتۇسىندىرۋ جۇمىستارى بەلسەندى تۇردە جۇرگىزىلۋدە. ا.س. پۋشكين اتىنداعى وبلىستىق كىتاپحانادا وتكەن كەزدەسۋدە سالا ماماندارى جەرگىلىكتى تۇرعىنداردىڭ سۇراقتارىنا جاۋاپ بەردى.
كەزدەسۋدە د.سەرىكبايەۆ اتىنداعى شقتۋ-دىڭ ساۋلەت، قۇرىلىس جانە ەنەرگەتيكا مەكتەبىنىڭ دەكانى، قاۋىمداستىرىلعان پروفەسسور، PhD دوكتورى، ق ر قۇرمەتتى ەنەرگەتيگى ايبەك اقايەۆ اەس سالۋدىڭ ماڭىزىن ءتۇسىندىردى.
«ەلىمىزدە قازىرگى ۋاقىتتا ەلەكتر ەنەرگياسىنىڭ تاپشىلىعى بايقالۋدا. بولاشاقتا جاڭا زاۋىتتار مەن فابريكالاردىڭ اشىلۋى بۇل جاعدايدى ودان ءارى كۇردەلەندىرۋى مۇمكىن. اەس سالۋ - تۇراقتى ءارى ۇزدىكسىز ەلەكتر ەنەرگياسىن ءوندىرۋدىڭ ءتيىمدى جولى. بۇل الداعى ەنەرگەتيكالىق قيىندىقتاردى شەشۋدىڭ ماڭىزدى قادامى»، – دەدى ايبەك اقايەۆ.
حالىقتىق شتاب مۇشەسى نۇريددين ءاميتوۆ بولاشاق ۇرپاقتىڭ ءال-اۋقاتىن قامتاماسىز ەتۋ ءۇشىن بۇل ماسەلەگە بەيجاي قاراماۋعا شاقىردى. ونىڭ ايتۋىنشا، اەس سالۋ – تەك بۇگىنگى كۇننىڭ ەمەس، بولاشاقتىڭ يگىلىگىنە باعىتتالعان شەشىم.
سەرىك دۇيسەنبايەۆ، جورابەك نۇرىمبەتوۆ جانە نۇريددين اميتوۆتەن قۇرالعان حالىقتىق شتاب مۇشەلەرى جاڭاقورعان جانە م.نالىبايەۆ اۋىلدارىندا بولىپ، جەرگىلىكتى تۇرعىندارمەن پىكىر الماستى. وندا مەملەكەت باسشىسىنىڭ جولداۋىندا ايتىلعان ەكونوميكالىق رەفورمالار مەن اەس سالۋدىڭ ستراتەگيالىق ماڭىزى جان-جاقتى تالقىلاندى.
«بۇگىنگى تاڭدا جاسىل ەنەرگيانى پايدالانۋ دامىعان ەلدەردە كەڭىنەن قولدانىسقا ەنۋدە. قازاقستان - ۋران قورى بويىنشا الەمدەگى جەتەكشى مەملەكەتتەردىڭ ءبىرى. وسى ارتىقشىلىقتارىمىزدى پايدالانا وتىرىپ، اتوم ەنەرگەتيكاسىن دامىتۋ ەكونوميكالىق تيىمدىلىكتى ارتتىرادى جانە كليماتتىڭ وزگەرۋىمەن كۇرەسۋدىڭ ءتيىمدى جولى بولىپ تابىلادى»، – دەپ ءتۇسىندىردى سەرىك دۇيسەنبايەۆ.
جورابەك نۇرىمبەتوۆ بۇل شەشىمدەردىڭ ەلىمىزدىڭ ەنەرگەتيكالىق ساياساتىنا عانا ەمەس، ەكولوگياعا دا وڭ اسەر ەتەتىنىن اتاپ ءوتتى.
شيەلى اۋدانىندا وتكەن كەزدەسۋلەردە بەستام اۋىلىنىڭ تۇرعىندارى جانە دەنساۋلىق ساقتاۋ سالاسىنىڭ وكىلدەرى اەس قۇرىلىسىنىڭ ماڭىزدىلىعىن تالقىلادى. حالىقتىق شتاب مۇشەسى جورابەك نۇرىمبەتوۆ الداعى ونجىلدىقتا ەنەرگەتيكا سالاسىندا جاعداي كۇردەلەنە تۇسەتىنىن ايتتى.
«ەنەرگياعا دەگەن سۇرانىس كۇن وتكەن سايىن ارتىپ كەلەدى. تابيعي ءوسىم مەن ەكونوميكانىڭ دامۋىمەن بىرگە بۇل قاجەتتىلىك ودان ءارى وسۋدە. سوندىقتان اەس – ۇزاق مەرزىمدى تۇراقتى ەنەرگيا كوزى رەتىندە ماڭىزدى جوبا»، – دەدى جورابەك نۇرىمبەتوۆ.
سەرىك دۇيسەنبايەۆ اەس جوباسىنىڭ ىسكە اسىرىلۋى ەلەكتر ەنەرگياسىنىڭ قۇنىن تومەندەتۋگە جانە ەكولوگيالىق تازا ەنەرگيا وندىرۋگە ىقپال ەتەتىنىن ايتتى.
دەنساۋلىق ساقتاۋ سالاسىنىڭ ماماندارى پرەزيدەنتتىڭ ءاربىر باستاماسى قوعامنىڭ جانە ەلدىڭ يگىلىگى ءۇشىن جاسالىپ وتىرعانىن جەتكىزدى. مەديسينالىق مەكەمەلەر زاماناۋي قوندىرعىلارمەن جابدىقتالعاندىقتان، ەلەكتر ەنەرگياسىنا تاۋەلدى ەكەنىن ايتىپ، اەس سالۋدى قولدايتىندارىن ءبىلدىردى.