الماتى قالاسىنىڭ جاستار ساياساتى باسقارماسى مەن «ۇلىس» عىلىمي-زەرتتەۋ ورتالىعى بىرلەسىپ، «تاۋەلسىزدىك ۇرپاقتارى» گرانتىن تاعايىنداۋ بويىنشا كونكۋرستىڭ باستالعانىن حابارلادى.
باعدارلاما جاستار باستامالارىن قولداۋعا باعىتتالىپ، 14 پەن 35 جاس ارالىعىنداعى الماتى تۇرعىندارىنا ءوز جوبالارىن ىسكە اسىرۋ ءۇشىن 1 000 000 تەڭگە كولەمىندە گرانت الۋ مۇمكىندىگىن ۇسىنادى.
گرانتتار التى باعىت بويىنشا بەرىلەدى:
- عىلىم: جاس عالىمداردى جانە ولاردىڭ زەرتتەۋلەرىن قولداۋ.
- مادەنيەت: مادەني مۇرانى ساقتاۋعا جانە ناسيحاتتاۋعا ارنالعان جوبالار.
- اقپاراتتىق تەحنولوگيالار: سيفرلىق ترانسفورماسياعا باعىتتالعان جاڭا IT شەشىمدەرىن ازىرلەۋ.
- بيزنەس: ستارتاپتار مەن بيزنەس-باستامالاردى قولداۋ.
- مەديا: جاس ۇرپاق ءۇشىن ساپالى كونتەنت جاساۋ.
- ۆولونتەرلىك: الەۋمەتتىك ماسەلەلەردى شەشۋگە باعىتتالعان باستامالار.
ۇيىمداستىرۋشىلاردىڭ ايتۋىنشا، بۇل گرانت جاستارعا ءوز يدەيالارىن جۇزەگە اسىرۋعا جانە قالا مەن ەلدىڭ دامۋىنا ۇلەس قوسۋعا بىرەگەي مۇمكىندىك بەرەدى.
«جاستارىمىزدان شىعارماشىلىق يدەيالار كۇتەمىز جانە بارشاڭىزدى گرانتتىق كونكۋرسقا قاتىسۋعا شاقىرامىز. قاتىسۋشىلارعا شابىت پەن تابىس تىلەيمىز»، - دەدى جاستار ساياساتى باسقارماسىنىڭ جاستاردى الەۋمەتتەندىرۋ جانە باستامالاردى قولداۋ ءبولىمىنىڭ باسشىسى نۇرسۇلتان بەككايىروۆ.
وتىنىمدەر 16 قىركۇيەكتەن باستاپ 2024 جىلدىڭ 16 قازانىنا دەيىن قابىلدانادى. جەڭىمپازدار 15 جۇمىس كۇنى ىشىندە انىقتالادى.
وتىنىمدەر generationala.kz سايتى ارقىلى قابىلدانادى. قوسىمشا سۇراقتار بويىنشا +7 (776) 844-12-02، +7 (776) 829-78-41 نومىرلەرىنە حابارلاسۋعا بولادى.