بۇل قىزمەتكە نۇرلىبەك نالىبايەۆ كەلدى.
نۇرلىبەك نالىبايەۆ قىزىلوردا وبلىسىنىڭ اكىمى لاۋازىمىنا تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.
نۇرلىبەك نالىبايەۆتى تاعايىنداۋ تۋرالى 2022 جىلعى 07 ءساۋىر نۇرلىبەك ماشبەك ۇلى نالىبايەۆ قىزىلوردا وبلىسىنىڭ اكىمى لاۋازىمىنا تاعايىندالسىن. قازاقستان رەسپۋبليكاسىنىڭ پرەزيدەنتى ق.توقايەۆ نۇر-سۇلتان، اقوردا، 2022 جىلعى 7 ءساۋىر № 860
نالىبايەۆ نۇرلىبەك ماشبەك ۇلى 1976 جىلى جاڭاقورعان اۋدانىندا دۇنيەگە كەلگەن.
قازاق مەملەكەتتىك اگرارلىق ۋنيۆەرسيتەتىن ەكونوميست-مەنەدجەر ماماندىعى بويىنشا بىتىرگەن ول ءوزىنىڭ ەڭبەك جولىن «كازاحويل-كوممەرسيا» سەرىكتەستىگىندە مۇناي جانە مۇناي ءوندىرىسى ساراپشىسى بولىپ باستاعان.
كەيىن «بۇلاق» ج ش س ديرەكتورىنىڭ ورىنباسارى، «ستاندارت ويلبەيس» جانە «ستاندارت ويلترەيدينگ» جشس-لەرىنىڭ ديرەكتورى، «ستاندارتگاز» ج ش س ديرەكتورىنىڭ ورىنباسارى، «حارريكەينويلپروداكتس» شاق قىزىلوردا بولىمشەسىنىڭ ديرەكتورى، «قىزىلوردامۇنايسەرۆيس» ج ش س باس ديرەكتورى قىزمەتتەرىن اتقارعان.
2005-2007 جىلدارى قىزىلوردا قالاسى اكىمىنىڭ ورىنباسارى، 2007-2008 جىلدارى قىزىلوردا وبلىسى اكىمى اپپاراتىنىڭ باسشىسى بولدى. ال 2008-2013 جىلدارى شيەلى اۋدانىن باسقارعان.
2013 جىل قىزىلوردا قالاسىنىڭ اكىمى لاۋازىمىنا تاعايىندالدى.
2021 جىلدىڭ ساۋىرىندە قازاقستان رەسپۋبليكاسى پرەمەر-مينيسترى كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى قىزمەتىنە تاعايىندالدى.
مەملەكەت باسشىسىنىڭ جارلىعىمەن گۇلشارا ناۋشا قىزى ءابدىقالىقوۆا قىزىلوردا وبلىسىنىڭ اكىمى لاۋازىمىنان بوساتىلدى، دەپ حابارلايدى اقوردانىڭ رەسمي سايتى.
