قازاقستاندىق تەننيسشىلەر ماروككوداعى جارىستىڭ شيرەك فينالىنا شىقتى

شيرەك فينالداعى قارسىلاستارى كەيىن انىقتالادى.

قازاقستاندىق تەننيسشىلەر اندرەي گولۋبيەۆ پەن الەكساندر نەدوۆەسوۆ جۇپتىق سىندا مارراكەش (ماروككو) ATP 250 جارىسىنىڭ شيرەك فينالىنا شىقتى، دەپ حابارلايدى Almaty-akshamy.kz Olympic.kz سىلتەمە جاساپ.

ءتۋرنيردىڭ 1-راكەتكالارى بولىپ تىركەلگەن اندرەي گولۋبيەۆ فرانسيالىق فابريس مارتەنمەن بىرگە باستاپقى كەزدەسۋىن نيدەرلاندىلىقتار تاللون گريكسپۋر – بوتيك ۆان دە زاندشۋلپپەن وتكىزدى. تارتىستى وتكەن ماچتا ءبىرىنشى پارتيادا نيدەرلاندىلىق جۇپ تاي-برەيكتە ءساتتى وينادى – 7:6 (8:6). ەكىنشىسىندە گولۋبيەۆ پەن مارتەن ەسە قايىردى – 7:6 (7:2). سوسىن سۋپەر تاي-برەيكتە جەڭىستى جۇلىپ الدى – 10:6. ەكى ساعاتقا جۋىق ۋاقىتقا سوزىلعان باسەكە بارىسىندا قازاقستاندىق-فرانسيالىق جۇپ 2 ەيس جاساپ، 3 برەيك-پوينتتىڭ بىرەۋىن پايدالاندى. قارسىلاستارى 3 ەيس، 1 برەيكپەن (2 برەيك-پوينت) كوزگە ءتۇستى.

الەكساندر نەدوۆەسوۆ پاكستاندىق ايسام كۋرەشيمەن بىرگە دودانىڭ 2-راكەتكالارى، بەلگيالىقتار ساندەر جيللە – يوران فليگەندى ءبىر ساعاتتان ءسال استام ۋاقىتتا 6:3، 6:4 ەسەبىمەن تىزە بۇكتىردى. نەدوۆەسوۆ پەن كۋرەشي 4 ەيسپەن بىرگە 3 برەيك-پوينتتىڭ ەكەۋىن ءوز ەسەبىنە جازدى. بەلگيالىق جۇپ 4 ەيسپەن شەكتەلدى. قازاقستاندىقتاردىڭ شيرەك فينالداعى قارسىلاستارى كەيىن انىقتالادى.