سىلەۋسىن ءبىر ءوزى ەمەس، ءۇش كۇشىگىمەن جۇرگەن
ونىڭ ۆيدەوسى "التىنەمەل" ۇلتتىق پاركىنىڭ الەۋمەتتىك پاراقشاسىندا جاريالاندى. ۆيدەودا ەنەسىنىڭ ارتىنان سىلەۋسىننىڭ شامامەن ءبىر جاستاعى ءۇش كۇشىگىنىڭ ەرىپ جۇرگەنىن كورۋگە بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل - سيرەك كەزدەسەتىن قۇبىلىس. ادەتتە، سىلەۋسىن ەكىدەن ارتىق كۇشىكتەمەيدى. ال بۇل سىلەۋسىندە ۇشەۋ. مۇنداي وقيعا ۇلتتىق ساياباقتا سىلەۋسىن ءۇشىن قولايلى ءومىر ءسۇرۋ جاعدايى بار ەكەنىن كورسەتەدى. ولاردىڭ نەگىزگى ازىعى – ءسىبىر تاۋ ەشكىسىنىڭ لاعى مەن جابايى قاباننىڭ بالاسى جانە سيرەك كەزدەسەتىن كەكىلىكتەر»، – دەلىنگەن حابارلامادا.
«التىنەمەل» – الماتى وبلىسىنداعى ىلە وزەنىنىڭ القابىنداعى مەملەكەتتىك ۇلتتىق تابيعي پارك.