وزەكتى ماسەلەلەر قارالدى.
قورعانىس مينيسترلىگىندە گەنەرال-لەيتەنانت رۋسلان جاقسىلىقوۆتىڭ باسشىلىعىمەن قازاقستان رەسپۋبليكاسى قاۋىپسىزدىك كەڭەسىنىڭ اسكەري قاۋىپسىزدىك ماسەلەلەرى جونىندەگى ۆەدومستۆوارالىق كوميسسياسىنىڭ وتىرىسى ءوتتى، دەپ حابارلايدى Almaty-akshamy.kz.
وتىرىسقا قاۋىپسىزدىك كەڭەسى اپپاراتىنىڭ وكىلدەرى، قارۋلى كۇشتەردىڭ، ۇلتتىق قاۋىپسىزدىك كوميتەتى شەكارا قىزمەتىنىڭ، ۇلتتىق ۇلاننىڭ، سونداي-اق ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلىعى قاتىستى.
«قورعانىس ءمينيسترىنىڭ ءبىرىنشى ورىنباسارى – باس شتاب باستىعى گەنەرال-لەيتەنانت مارات قۇسايىنوۆ اسكەري دوكترينانى قايتا قاراۋ جونىندەگى جۇمىستىڭ بارىسى تۋرالى باياندادى. ەل پرەزيدەنتى قاسىم-جومارت توقايەۆ قازاقستان حالقىنا جولداۋىندا قۇجاتتى جاڭارتۋ قاجەت ەكەندىگىن اتاپ وتكەن»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
وتىرىس بارىسىندا اۋماقتىق قورعانىستى ودان ءارى دامىتۋ شارالارى، سونداي-اق قورعانىس سالاسىنداعى باسقا دا وزەكتى ماسەلەلەر قارالدى.
قازاقستان رەسپۋبليكاسى قاۋىپسىزدىك كەڭەسىنىڭ اسكەري قاۋىپسىزدىك ماسەلەلەرى جونىندەگى ۆەدومستۆوارالىق كوميسسياسى مەملەكەتتىڭ اسكەري قاۋىپسىزدىگىن قامتاماسىز ەتۋدىڭ ماسەلەلەرى مەن نەگىزگى باعىتتارىن قاراستىراتىن كونسۋلتاتيۆتىك-كەڭەسشى ورگان ەكەنىن اتاپ وتكەن ءجون.