«قىزىل ايماقتاعى» وڭىرلەردە كارانتيندىك شەكتەۋلەر كۇشەيتىلەدى

ەلدەگى ەپيدەميولوگيالىق جاعدايدىڭ ناشارلاۋى كارانتين تالاپتارىن قاتايتۋعا سەبەپ بولىپ تۇر.

بۇگىن ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا «قىزىل ايماقتاعى» وڭىرلەردە كارانتيندىك شەكتەۋلەردى كۇشەيتۋ بويىنشا شارالار قابىلدادى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.
 
اتالعان سايتتا جاريالانعان شەكتەۋ شارالارى تومەندەگىدەي ماتىنمەن بەرىلگەن.

توقتاتىلسىن: 
Ashyq جوباسىنا قاتىساتىن وبەكتىلەردى قوسپاعاندا، قالاارالىق، وبلىسىشىلىك، قالالىق تۇراقتى جانە تۇراقتى ەمەس (تۋريستىك) اۆتوبۋس جانە شاعىن اۆتوبۋس تاسىمالدارى؛ 
جابىق جاعاجايلار مەن اكۆاپاركتاردىڭ قىزمەتى. 

دەمالىس جانە مەرەكە كۇندەرى جۇمىسىنا تىيىم سالىنسىن: 
قوعامدىق كولىكتىڭ؛ 
Ashyq جوباسىنا قاتىسۋشىلارىن قوسپاعاندا، قوعامدىق تاماقتانۋ وبەكتىلەرىنىڭ؛ 
Ashyq جوباسىنا قاتىساتىندارىن قوسپاعاندا، فيتنەس ورتالىقتاردىڭ، فيتنەس كلۋبتاردىڭ، يوگا ورتالىقتارىنىڭ، سپورتتىق-ساۋىقتىرۋ وبەكتىلەرىنىڭ، ساۋنالاردىڭ، سپا-ورتالىقتاردىڭ، باسسەيندەردىڭ؛ 
Ashyq جوباسىنا قاتىساتىندارىن قوسپاعاندا، كينوتەاترلاردىڭ، تەاترلاردىڭ، كونسەرت زالدارىنىڭ، فيلارمونيالاردىڭ، كومپيۋتەرلىك كلۋبتاردىڭ، بوۋلينگتەردىڭ، بيلياردتاردىڭ، كاراوكەلەردىڭ، كورمەلەردىڭ؛ 
Ashyq جوباسىنا قاتىسۋشىلاردى، اشىق بازارلاردى، جارمەڭكەلەردى قوسپاعاندا، اۋدانى 2000 م2 دەيىنگى ازىق-تۇلىك ەمەس تاۋارلاردى وتكىزۋ وبەكتىلەرىنىڭ؛
 Ashyq جوباسىنا قاتىساتىندارىن قوسپاعاندا، سپورت وبەكتىلەرىنىڭ (سپورت كەشەندەرى، سپورت مەكتەپتەرى، سپورت كلۋبتارى، جاتتىعۋ زالدارى)؛ ءبىلىم بەرۋ ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ، بالالاردى دامىتۋ ورتالىقتارىنىڭ؛
 Ashyq  جوباسىنا قاتىساتىندارىن قوسپاعاندا، فۋدكورتتاردىڭ.  

جۇمىس كۇندەرى جۇمىسى شەكتەلسىن: 
ساعات 20.00-گە دەيىن Ashyq جوباسىنا قاتىساتىن فيتنەس-ورتالىقتاردىڭ، فيتنەس-كلۋبتاردىڭ، يوگا-ورتالىقتاردىڭ، سپورتتىق-ساۋىقتىرۋ وبەكتىلەرىنىڭ، ساۋنالاردىڭ، سپا-ورتالىقتاردىڭ، سپورت وبەكتىلەرىنىڭ، باسسەيندەردىڭ؛ 
ساعات 18.00-گە دەيىن Ashyq جوباسىنا قاتىسۋىنا قاراماستان، وسو، ساۋدا ۇيلەرىنىڭ، ساۋدا جەلىلەرىنىڭ؛ 
Ashyq  جۇيەسىنە قاتىساتىن قوعامدىق تاماقتانۋ نىساندارىنىڭ، فۋدكورتتاردىڭ جۇمىسى – ساعات 20.00-گە دەيىن، Ashyq جۇيەسىنە قاتىسپايتىنداردىڭ جۇمىسى – ساعات 18.00-گە دەيىن. 

وتىرىس سوڭىندا ۆيسە-پرەمەر مەملەكەتتىك ورگاندار مەن ءوڭىر اكىمدەرىنە ءتۇسىندىرۋ جۇمىستارىن كۇشەيتۋدى، سونداي-اق حالىقتى كوروناۆيرۋسقا قارسى ۆاكسينالاۋمەن قامتۋدى ارتتىرۋدى تاپسىردى.