ەلىمىزدە وسى ۇران اياسىندا ۇيىمداستىرىلاتىن جالپىۇلتتىق حالىق ساناعى 2021 جىلدىڭ 1 قىركۇيەگى مەن 30 قازانى ارالىعىندا وتەدى.
ساناقتى وتكىزۋ پروسەسىن اۆتوماتتاندىرۋ جانە وعان زاماناۋي ساندىق تەحنولوگيالاردى ەنگىزۋ – 2021 جىلعى ۇلتتىق ساناقتىڭ باستى جاڭالىعى.
بيىل ازاماتتارعا ساۋالناما پاراقتارىن ونلاين-رەجيمدە ءوز بەتىنشە تولتىرۋ نەمەسە ءۇي-ۇيدى ارالاۋ كەزىندە وفلاين تولتىرۋ مۇمكىندىكتەرى ۇسىنىلۋدا. 1 قىركۇيەكتەن باستاپ sanaq. gov.kz ارنايى سايتى جۇمىسىن باستايدى. مۇندا قازاقستاندىقتار 15 قازانعا دەيىن ونلاين رەجيمىندە ساناققا قاتىستى بارلىق سۇراقتارعا جاۋاپ بەرە الادى.
ءداستۇرلى جالپى ارالاۋ 1–30 قازان ارالىعىندا جۇرگىزىلەدى جانە ول بەلگىلەنگەن مەرزىم ىشىندە ساناقتان ونلاينرەجيمدە وتپەگەن رەسپوندەنتتەر اراسىندا جۇرگىزىلەتىن بولادى. بۇل كەزەڭنىڭ جاڭاشىلدىعى – ينتەرۆيۋەرلەردىڭ ءۇي ارالاۋ كەزىندە ەلەكتروندى پلانشەتتەردى پايدالانۋى بولماق. بۇل ساناق جۇرگىزەتىن قىزمەتكەرلەردىڭ ەڭبەك شىعىنىن تومەندەتۋگە، مالىمەتتەر ساپاسىنا ادام فاكتورىنىڭ ىقپالىن ازايتۋعا، ءجسن-ىن ەنگىزە وتىرىپ، ساناق مالىمەتتەرىنىڭ ناقتىلىق دەڭگەيىن ارتتىرۋعا، قاعاز بەن كەڭسەلىك قۇرالداردى ايتارلىقتاي ۇنەمدەۋگ ە، سونداي-اق، ينتەرۆيۋەرلەر ءۇشىن قولايلىلىق پەن ولاردىڭ جيناقىلىعىن ارتتىرۋعا مۇمكىندىك بەرەدى.
ساناق كەزىندە مالىمەتتەر جيناۋ ءۇشىن سايكەستەندىرگىش اقپارات رەتىندە ساۋالناماعا قاتىسۋشىنىڭ ءجسن-ى قولدانىلادى. بۇل اقپاراتتىڭ قايتالانۋىن بولدىرماۋعا مۇمكىندىك بەرەدى.
قالالىقتار قاپەرىنە
قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتى حابارلايدى: مالىمەتتەر تىكەلەي جالپى اقپاراتتار بازاسىنا جىبەرىلەدى. مالىمەتتەردىڭ قۇپيالىلىعى زاڭنامامەن كەپىلدەندىرىلەدى.
ينتەرۆيۋەردە، ياعني سۇحباتشىدا:
- مورمەن راستالعان ءتيىستى كۋالىك؛
- ارالايتىن نىسانداردىڭ ءتىزىمى بار ءموبيلدى قوسىمشالى پلانشەت؛
- ۇلتتىق حالىق ساناعىنىڭ سيمۆوليكاسى بار كوك ءتۇستى شارف پەن پورتفەل بولادى.
سۇحباتشى تۋرالى قوسىمشا اقپاراتتى sanaq.gov.kz سايتىنان قاراۋعا بولادى. وندا سۇحباتشىنىڭ تەگى، اتى، اكەسىنىڭ اتى جانە ونىڭ كۋالىگىنىڭ ءنومىرى كورسەتىلگەن ءتىزىم رەسپۋبليكا بويىنشا ورنالاستىرىلعان.
سونىمەن قاتار، ءموبيلدى جانە ستاسيونار تەلەفوندارى ءۇشىن ءبىرىڭعاي ءنومىرى 1446 جانە 8 8000 800 878 call-ورتالىعىنا قوڭىراۋ شالۋ ارقىلى اقپارات الۋعا بولادى.
«اقشام-اقپارات»