ۆاكسينانىڭ جالعان قۇجاتىن جاساعانداردى قانداي جازا كۇتىپ تۇر؟

بۇعان دەيىن ءبىز «دوستار مەد» جانە «سۇڭقار» قىزمەتكەرلەرى جالعان قۇجاتتار جاساعانى ءۇشىن ۇستالعانى تۋرالى حابارلاعان بولاتىنبىز.

جالعان قۇجات جاساپ قولعا تۇسكەن مەديسينا قىزمەتكەرلەرى تۋرالى بۇگىن الماتى قالالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ تۇسىنىك بەردى، دەپ حابارلايدى Almaty-akshamy.kz 

باسقارما باسشىسىنىڭ ايتۋىنشا، الماتى مەديسينالىق مەكەمەلەرىندە ۆاكسينا قۇجاتتارىن قولدان جاساۋدىڭ ەكى جاعدايى انىقتالىپ، دالەلدەنگەن. ونىڭ ءبىرىنشىسى وسىدان 2،5 اي بۇرىن №21 ەمحانادا انىقتالسا، ەكىنشىسى №4 قالالىق ەمحانادا بەلگىلى بولعان.

«بۇل جاعدايلاردى قوعامدىق دەنساۋلىق ساقتاۋ باسقارماسى ءوزى انىقتادى. سونىمەن قاتار، وسىعان قاتىستى جاعدايدى پوليسيا دەپارتامەنتىنە ءوزىمىز جولدادىق. ءقازىر تاعى ءبىر ەمدەۋ ورنىن انىقتاۋ بويىنشا پوليسياعا جۇگىندىك. سونداي-اق مۇنداي جاعداي قايتالانباس ءۇشىن قۇقىق قورعاۋ ورگاندارىمەن بىرگە ۆاكسينا سالىناتىن ورىنداردا ءتۇسىندىرۋ جۇمىستارىن جۇرگىزىپ جاتىرمىز، - دەدى ول.

 سونىمەن قاتار، ول جالعان ۆاكسينا پاسپورتىن جاساعان مەديسينا قىزمەتكەرلەرىنە قانداي جازا قولدانىلاتىنىن ايتتى. 

«بۇل ادامدار جالعان قۇجات جاساپ، ۆاكسينانى جويعان. ءقازىر ولارمەن پوليسيا قىزمەتكەرلەرى جۇمىس ىستەپ جاتىر. ال، مەكەمە باسشىلارى جۇمىستارىن جالعاستىرۋدا. تەرگەۋ جۇمىستارى اياقتالعان سوڭ ءبارى بەلگىلى بولادى»، - دەدى باسقارما باسشىسى.