قىزى اناسىن الەمدى ارالاتتى

الەۋمەتتىك جەلىدە اناسىنىڭ ارمانىن ورىنداعان قىزدىڭ ۆيدەوسى تارادى، - دەپ حابارلايدى اlmaty-akshamy.kz

TikTok-تا قازاقستاندىق قىزدىڭ اناسى قاي ەلدەر مەن قالالارعا بارعانىن كورسەتكەن ۆيدەوسى تارادى.

"انام 58 جاسىندا الەمدى كورە باستاعاندا"، - دەلىنگەن ۆيدەو ماتىنىندە.

ۆيدەو سيپاتتاماسىندا ونداعان پىكىر جازىلعان، الەۋمەتتىك جەلى قولدانۋشىلارى ەرەسەك بالالار اتا-انالارىن ءجيى ساياحاتقا جىبەرەتىن بولعانىن تاڭدانا ايتىپ جاتىر.

ۆيدەو اۆتورى - ازيزا يبراگيموۆا. ول 24 جاستا، الماتىدا تۇرادى، اناسىنىڭ اتى ارزۋگۇل. قىز حالىقارالىق ماركەتينگ اگەنتتىگىندە جۇمىس ىستەيدى. ارزۋگۇلدىڭ شەتەلگە العاشقى ساپارى 53 جاسىندا بولعان ەكەن. قىزى اناسىنا مىسىردا بىرنەشە كۇن دەمالۋعا مۇمكىندىك سىيلاعان.

"سوسىن مەن دەمالىسقا اقشا جيناۋ ءۇشىن ءتۇرلى جوبالارمەن جۇمىس ىستەدىم. وسى ەلدەن كەيىن انام ەكەۋمىزدە ساياحاتتاۋدى جاقسى كورىپ قالدىق. 21 جاسىمدا مەن ونى تولىعىمەن ءوز قامقورىما الىپ، جۇمىسىن تاستاۋىن ءوتىندىم. سودان كەيىن انام قۇربىلارىمەن تۇركيا مەن رەسەيگە ۇشىپ باردى"، - دەيدى ازيزا.

2024 جىلى ازيزا اناسىنا ەۋروپا ەلدەرىن كورسەتۋگە شەشىم قابىلداعان. ارزۋگۇل ءپاريجدى كورۋدى كوپتەن ارمانداعان. بويجەتكەننىڭ ايتۋىنشا، ساپار اياق استىنان جوسپارلانعان، ءبىراق بۇل شىنىمەن دە ءساتتى شىققان.

بولاشاقتا قىز اناسىنا بۇدان دا كوپ ەلدەردى كورسەتۋدى ارماندايدى.

"ساياحات جوسپارلارىما سايكەس، مەن اناما وڭتۇستىك كورەيانى، جاپونيانى جانە، ارينە، يتاليانى كورسەتكىم كەلەدى، وعان بۇل جەرلەر وتە ۇنايدى دەپ ويلايمىن. مەنىڭ انامنىڭ ەڭ اسىل ماقساتى - جەكە كونديتەرلىك سەحىن اشۋ مەن ونى قالدايمىن. ول ءۇشىن بۇل الەمدە ودان دا كوپ ەلدەر بار ەكەنىن كورسەتكىم كەلەدى، ول ساياحاتتاۋدى ۇناتادى"، - دەپ قوستى ول.