جىل باسىنداعى مەيرامدارعا بايلانىستى قالا تۇرعىندارىنىڭ باسىم كوپشىلىگى دەمالعانىمەن، شاھارداعى شارۋاشىلىق ءبىر كۇن دە توقتاعان جوق. جىل باسىنان-اق اۋدان اكىمدىكتەرى ءوز مىندەتتەرىن اتقارۋعا كىرىسىپ كەتتى.
بوستاندىق اۋدانىنىڭ اكىمى التاي راحيمبەتوۆ اۋدان تۇرعىندارىمەن العاشقى كەزدەسۋىن وتكىزدى. كەزدەسۋ №146 مەكتەپ-گيمزانياسىندا بولدى. وعان الماتى قالاسى ءماسليحاتىنىڭ دەپۋتاتتارى، قالالىق باسقارمالاردىڭ، پروكۋراتۋرانىڭ، قالالىق پوليسيا دەپارتامەنتىنىڭ وكىلدەرى، قوعامدىق كەڭەس مۇشەلەرى مەن اۋدان تۇرعىندارى قاتىستى. اۋدان اكىمى اۋداننىڭ الەۋمەتتىك-ەكونوميكالىق دامۋى تۋرالى قىسقاشا بايانداماسىنان كەيىن، تۇرعىنداردىڭ سۇراقتارىنا جاۋاپ بەردى. تۇرعىندار اۋلانى، كوشەلەردى جوندەۋ، جارىقتاندىرۋ، جممن كوشۋ جانە اۋلالاردى قاردان تازالاۋ سىندى ەڭ وزەكتى ماسەلەلەردى كوتەردى.
ال بوستاندىق اۋدانىنا كورشى مەدەۋ اۋدانىنىڭ اكىمى ەركەبۇلان ورازالين ەكى قاباتتى مەشىتتىڭ جوندەۋ جۇمىستارىنىڭ سوڭعى كەزەڭىن تەكسەردى. ايتا كەتكەن ءجون، قۇرىلىس ورنىندا ىشكى ارلەۋ جۇمىستارى اياقتالىپ، نىسان تاپسىرۋعا دايىندالۋدا. مەشىت مامەتوۆا كوشەسى، 1ا مەكەنجايىندا ورنالاسقان.
ال تۇركسىب اۋدانىندا ينفراقۇرىلىمدى دامىتۋعا ارنالعان جوبانىڭ جۇزەگە اسىرىلۋى تەكسەرىلدى. جەلتوقسان ايىندا ساۋرانبايەۆ كوشەسىندەگى №59 مەكتەپ-گيمنازياسىنا قوسىمشا عيمارات سالۋ جانە قايتا جوندەۋ جۇمىستارى باستالعان. بۇعان دەيىن «قازقسعزي» اق قورىتىندىسى بويىنشا مەكتەپ اپاتتى دەپ تانىلعان جانە ەسكى مەكتەپتىڭ جوبالىق قۋاتى نەبارى 600 ورىندى قۇراعان.
جۇمىستار اياقتالعان سوڭ، مەكتەپتىڭ سىيىمدىلىعىن 900 وقۋشىعا دەيىن ۇلعايتۋ، 16-عا جۋىق قوسىمشا وقۋ كابينەتتەرى مەن زاماناۋي قۇرال-جابدىقتارمەن جابدىقتالعان سپورت زالىن اشۋ جوسپارلانۋدا. جوبادا، سونداي-اق ۇلكەن مەكتەپ اسحاناسىن جايلاستىرۋ جانە اباتتاندىرۋ قاراستىرىلعان. جۇمىستاردى اياقتاۋ 2024 جىلدىڭ 1 توقسانىنا جوسپارلانعان.