قىلمىستىق قۇقىق بۇزۋشىلىقتاردىڭ اشىلۋ دەڭگەيى 4،1%-عا جاقساردى.
الماتى پوليسەيلەرى قىزمەتتىك پوليسيا جوباسىنىڭ ناتيجەلەرى تۋرالى ايتتى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، پوليسيا جۇمىسىنا قىزمەتتىك ءتاسىلدى ەنگىزۋ تۇجىرىمداماسى الماتىدا اعىمداعى جىلدىڭ مامىرىندا ىشكى ىستەر ءمينيسترى ەرلان تۇرعىمبايەۆتىڭ قاتىسۋىمەن، قالا اكىمى باقىتجان ساعىنتايەۆتىڭ توراعالىعىمەن وتكەن قوعامدىق قاۋىپسىزدىك ماسەلەلەرىنە ارنالعان ونلاين-كەڭەس بارىسىندا ۇسىنىلعان بولاتىن. بۇگىندە جاڭا تۇجىرىمداما پيلوتتىق جوبا رەتىندە بوستاندىق پەن الاتاۋ اۋداندارىندا سىناقتان وتۋدە.
«مەملەكەت باسشىسى قاسىم-جومارت توقايەۆ جىل سايىنعى جولداۋىندا پوليسيا قىزمەتىنىڭ قىزمەتتىك جوباسىنىڭ جۇزەگە اسىرىلاتىنىن جاريالادى. سونداي-اق ول ونىڭ جۇمىسىنىڭ تابىسى جان-جاقتى كومەكتەسۋى ءتيىس جەرگىلىكتى بيلىكتىڭ قاتىسۋىنا بايلانىستى ەكەنىن اتاپ ءوتتى. جاقىندا عانا قازاقستان رەسپۋبليكاسى قاۋىپسىزدىك كەڭەسىنىڭ حاتشىسى اسەت يسەكەشيەۆ، سونداي-اق ەل پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى الەكسەي كالايچيدي الماتىنىڭ پد-دە بولدى. كەزدەسۋ بارىسىندا قالامىزدا پوليسيا قىزمەتىنىڭ مودەلىن ەنگىزۋ ماسەلەلەرى تالقىلاندى. بۇگىن ءبىز وسىندا جينالىپ، قوعامدىق قاۋىپسىزدىكتى قامتاماسىز ەتۋدە قىزمەتتىك ءتاسىلدى ەنگىزۋ بويىنشا پيلوتتىق جوباعا قاتىستى پروبلەمالىق ماسەلەلەردى تالقىلادىق»، – دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.
پوليسيا جۇمىسىنىڭ قىزمەتتىك مودەلىنىڭ پيلوتتىق جوباسى “قاداعالاۋدان” “قىزمەت كورسەتۋگە” كوشۋدى بولجايدى. سونىمەن قاتار پوليسيا ازاماتتىق قوعامنىڭ قاتىسۋىمەن قىلمىستار مەن قۇقىق بۇزۋشىلىقتاردىڭ بەلسەندى الدىن الۋعا باعىتتالعان.
«شاھاردا جاياۋ پاترۋلدەر كۇشەيتىلدى، كريمينالدى ايماقتاردا مودۋلدىك پوليسيا پۋنكتەرى ورناتىلۋدا. سونداي-اق بەينەباقىلاۋ جەلىسى كەڭەيىپ، قاۋىپسىزدىكتى باقىلاۋدىڭ ينتەللەكتۋالدى جۇيەلەرى ەنگىزىلۋدە. قابىلدانعان شارالار اعىمداعى جىلدىڭ سەگىز ايىندا قىلمىس دەڭگەيىن 7،3%-عا ازايتتى. بۇل رەتتە قىلمىستىق قۇقىق بۇزۋشىلىقتاردىڭ اشىلۋ دەڭگەيى 4،1%-عا جاقساردى. پيلوتتىق جوبا قۇقىق بۇزۋشىلىقتىڭ الدىن الۋ سالاسىنداعى مەملەكەتتىك ورگانداردىڭ جۇمىسىن ۇيىمداستىرۋ تاسىلدەرىن وزگەرتۋگە كومەكتەسەدى. الماتىدا بەلگىلى ءبىر ايماقتاعى قىلمىستىق احۋالعا ەگجەي-تەگجەيلى تالداۋ جۇرگىزگەن ۆەدومستۆوارالىق توپ قۇرىلدى. سونىمەن قاتار قاۋىپسىزدىك ماسەلەلەرى بويىنشا جەرگىلىكتى قوعاممەن جەمىستى قارىم-قاتىناس ورناتتى. ماقسات – قوعامنىڭ قاجەتتىلىكتەرىنە جاۋاپ بەرەتىن جانە ونىمەن سەرىكتەستىكتە جۇمىس ىستەيتىن كاسىبي، وكىلەتتى، ەسەپ بەرەتىن ورگان قۇرۋ»، – دەپ تۇيىندەدى قانات تايمەردەنوۆ.