تابيعات اپاتىنان زارداپ شەككەندەر كوبەيدى
اقش-تىڭ سولتۇستىك-شىعىسىنا سوققان «يدا» داۋىلىنان قازا تاپقانداردىڭ سانى ارتىپ، 82-گە جەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
ايماقتاردا تابيعات اپاتىنىڭ سالدارىمەن كۇرەس جالعاسىپ جاتىر. نيۋ-يورك پەن نيۋ-دجەرسي شتاتتارىندا كوپ ادام تاسقىن كەزىندە كوز جۇمعان. لۋيزيانادا ءالى كۇنگە دەيىن ونداعان مىڭ ءۇي جارىقسىز وتىر.
ەسكە سالا كەتەيىك، تامىزدىڭ 25-ىندە اقش-تىڭ وڭتۇستىك-شىعىسىنا «يدا» داۋىلى سوققان ەدى. دۇلەي جەلدىڭ جىلدامدىعى ساعاتىنا 240 شاقىرىمعا جەتىپ، ۇيىتقىعان جەل تالدار مەن ەلەكتر باعانالارىن قۇلاتىپ، جولىنداعىنى تاس تالقان ەتتى. وسىدان كەيىن داۋىل ەلدىڭ سولتۇستىك-شىعىسىنا اۋىپ، جاڭبىر سەلدەتىپ، كوپ ەلدى مەكەندى سۋ باستى.