بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا ق ر يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى مالىمدەدى.
1 كاتەگوريالى جولداردىڭ اقىلى ۋچاسكەلەرى بويىنشا ءجۇرۋ تاريفتەرى وزگەرىسسىز قالادى، دەپ حابارلايدى Almaty-akshamy.kz
ءبىرىنشى كاتەگوريالى جاڭا اقىلى ۋچاسكەلەردە ءجۇرۋ ءۇشىن تولەم تاريفتەرىن 2013 جىلعى دەڭگەيدە قالدىرۋ جوسپارلانۋدا.
«اقىلى جولمەن ءجۇرۋ تاريفتەرى 2013 جىلى ءبىرىنشى اقىلى ۋچاسكە ەنگىزىلگەن كەزدەگى دەڭگەيدە قالعانىن ايتىپ ءوتۋ قاجەت: جەڭىل اۆتوكولىكتەر ءۇشىن - 1 شاقىرىمىنا 1 تەڭگە، اۋىر جۇك كولىكتەرى ءۇشىن - 1 شاقىرىمىنا جۇك كوتەرىمدىلىگىنە بايلانىستى 5 تەڭگەدەن 25 تەڭگەگە دەيىن. سالىستىرىپ قاراساق، كورشىلەس رەسەيدە جەڭىل اۆتوكولىكتەر 1 شاقىرىم ءۇشىن 7 تەڭگە جانە جۇك كولىكتەرى 7-دەن 55 تەڭگەگە دەيىن تولەيدى. ال ەۋروپا ەلدەرىندەگى تاريفتەرگە كەلەتىن بولساق، تولەم جۇك كولىكتەرى ءۇشىن 5 ەسە، ال جەڭىل اۆتوكولىكتەر ءۇشىن 20 ەسە جوعارى»، - دەپ اتاپ ءوتتى ۆيسە-مينيستر بەرىك كامالييەۆ.