الماتىدا ۆيزا الا الماعان كليەنت تۋرفيرما قىزمەتكەرىنىڭ باسىنا قايشى لاقتىرىپ، جارالاعان، - دەپ حابارلايدى almaty-almaty.kz Tengrinews.kz-كە سىلتەمە جاساپ.
زارداپ شەككەن ماريا اقش پەن گەرمانياعا ۆيزا الۋ ءۇشىن قۇجاتتاردى دايىنداۋعا كومەكتەسكەنىن ايتتى. ەكى جاقتان دا وڭ جاۋاپ الا الماعان قىز ءۇندىستانعا تەگىن ۆيزا الىپ بەرۋدى تالاپ ەتەدى
"وعان گەرمانيا باعىتىندا جۇمىستى جالعاستىرۋدى ۇسىندىق، بۇل وڭايىراق بولار ەدى. ول كەلىستى، سونىمەن قاتار ءۇندىستانعا تەگىن ۆيزا الۋعا كومەك سۇرادى. ۆيزا ماقۇلداندى، ءبىراق بۇل وعان جەتكىلىكسىز بولدى. ول كونسۋلدىق الىمدارعا جۇمسالعان جارتى ميلليوندى تولەۋدى تالاپ ەتە باستادى، ءبىراق مەنىڭ جۇمىسىم نەبارى 90 مىڭ تەڭگە تۇرادى. جۇما كۇنى ول كەڭسەگە كەلىپ، مەنەدجەردى ساۋالنامانى وشىرۋگە ماجبۇرلەپ، سۇراماي فايلدان قۇجاتتارىن الىپ كەتكەن. سوسىن مەنى الاياقتىق ءۇشىن سوتقا بەردى"، - دەيدى جابىرلەنۋشى
ماريا قىزدىڭ ماقساتى ونى اشۋلاندىرۋ بولعانىن ايتادى. جانجال كەزىندە كليەنت وعان كەڭسە زاتتارىن لاقتىرا باستاعان. سول جەردە قايشى دا بولعان، ول تۋراگەنتتىڭ باسىنا قادالىپ قالعان.
"مەن باسىمنان قايشىنى ءوزىم سۋىرىپ الدىم. جەدەل جاردەم مەن پوليسەيلەر كەلگەندە، ول مەن ءوزىمدى-وزىم جارالاعانىمدى ايتتى. كوپ قان كەتتى، جارامدى تىكتى. كۇندە تاڭعىشتى اۋىستىرۋعا بارامىن. قىز ورانعان، سوعان قاراماستان وسىنداي سۇمدىق ىستەرگە بارادى"، - دەيدى جابىرلەنۋشى
الماتى پوليسيا دەپارتامەنتى Tengrinews.kz تىلشىسىنە بۇل دەرەكتى المالى اۋداندىق اكىمشىلىگىنىڭ پوليسيا ءبولىمى تىركەپ، تەرگەۋ جۇرگىزىپ جاتقانىن ايتتى. ايەلدىڭ جاراقاتىنىڭ اۋىرلىعىن انىقتاۋ ماقساتىندا سوت-مەديسينالىق ساراپتاما تاعايىندالدى. ءىس-شارالار كەشەنىنىڭ قورىتىندىسى بويىنشا شەشىم قابىلدانادى