الماتىدا 2 اي ىشىندە «حالىق قاتىساتىن بيۋدجەت» باعدارلاماسى بويىنشا اپاتتى كوپىردىڭ ورنىنا جاڭا كوپىر سالىندى، دەپ حابارلايدى Almaty-akshamy.kz
مەدەۋ اۋدانىندا ۇزىندىعى 21 م كوپىر سالىندى.ول 90-شى جىلدارى تۇرعىنداردىڭ وزدەرى سالعان ەسكى اعاش قۇرىلىمنىڭ ورنىنا تۇرعىزىلدى.
بايقوڭىر كوشەسىنىڭ تۇرعىندارى اكىمدىككە ايالداما كەشەنىنە اپاراتىن جاڭا كوپىر سالۋدى سۇراعان ەدى. ەسكى كوپىر اپاتتى جاعدايدا بولدى جانە تۇرعىنداردىڭ ومىرىنە ءقاۋىپ ءتوندىردى.
جوبا بيىل «حالىق قاتىساتىن بيۋدجەت» باعدارلاماسى اياسىندا ىسكە اسىرىلدى. جۇمىس ەكى ايدا جۇرگىزىلدى.
جاڭا كوپىر تەمىردەن جاسالعان، ونىڭ نەگىزى ءريفلدى تەمىردەن قۇرالعان.
سونداي-اق، «حالىق قاتىساتىن بيۋدجەت» اياسىندا ىرگەلەس اۋماقتى اباتتاندىرىلدى: ايالداماعا اپاراتىن تروتۋار جابدىقتالدى، سىرتقى جارىقتاندىرۋدىڭ جاڭا باعانالارى قويىلدى جانە شاعىن ساۋلەت نىساندارى ورناتىلدى.