كاسىپقوي بوكستا WBO تۇجىرىمى بويىنشا ورتا سالماقتاعى الەم چەمپيونى دەگەن اتاققا يە جانىبەك ءالىمحان ۇلى كەزەكتى ايقاسىن 14 قازان كۇنى اقش-تىڭ روزەنبەرگ قالاسىندا وتكىزەدى، دەپ حابارلايدى اlmaty-akshamy.kz Egemen.kz-كە سىلتەمە جاساپ.
گەرمانيا بوكسشىسى ۆينچەنسو گۋالتەريگە قارسى جەكپە-جەكتى Qazsport تەلەارناسى تىكەلەي ەفيردەن 15 قازان كۇنى تاڭعى ساعات 07:00-دەن باستاپ كورسەتەدى. «قازاقستان» تەلەراديوكورپوراسياسى ايقاستى ەل اۋماعىندا كورسەتۋدىڭ قۇقىق يەسى اتاندى. جانىبەكتىڭ چەمپيوندىق بەلبەۋىن قورعايتىن جەكپە-جەگىن «Qazaqstan.tv» ءموبيلدى قوسىمشاسى مەن qazsporttv.kz سايتىنان دا تاماشالاۋعا بولادى.