وزبەكستاندا ەكونوميكالىق سالادا جاۋاپسىزدىق پەن سولبىرلىق تانىتقانى ءۇشىن 297 باسشى جۇمىستان بوساتىلدى. بۇل تۋرالى وزبەكستان پرەزيدەنتىنىڭ باسپا ءسوز قىزمەتى جازدى، دەپ حابارلايدى aqshamnews.kz.
ولاردىڭ ورنىنا زاماناۋي ويلاۋ قابىلەتىنە يە، جاڭا تاسىلدەردى ەنگىزۋگە دايىن جانە حالىقتىڭ قاجەتتىلىكتەرىن قاناعاتتاندىرۋعا ۇمتىلاتىن جاس، بەلسەندى ماماندار تاعايىندالدى.
پرەزيدەنت شاۆكات ميرزيويەۆ بۇل تۋرالى وتكەن جيىندا: «ەگەر باسشى ءوزى باسقارعان ايماقتىڭ جاعدايىنا ءتۇسىپ، ازاماتتار مەن كاسىپكەرلەردىڭ ماسەلەلەرىن شەشۋگە اتسالىسپاسا، ول جۇمىس ىستەي المايدى. بارلىعى وزگەرۋى كەرەك. سىزدەر كورىپ تۇرسىزدار، الەمدەگى ساياسي جانە ەكونوميكالىق جاعداي قالاي كۇردەلەنە تۇسكەنىن. جاڭا قاۋىپ-قاتەرلەر پايدا بولۋدا. ەگەر ءبىز بۇگىن جاۋاپ تابا الماساق، ەرتەڭ كەش بولادى»، — دەدى.